JOIN US
मराठी बातम्या / पुणे / Pune Bypoll Election Results : शिंदे गट, मनसे अन् मंत्र्यांची फौज हरली, धंगेकरांनी भाजपला चारली धूळ

Pune Bypoll Election Results : शिंदे गट, मनसे अन् मंत्र्यांची फौज हरली, धंगेकरांनी भाजपला चारली धूळ

पुण्यात कसबाची पोटनिवडणूक अत्यंत चुरशीची ठरली. भाजपने टिळक वाड्याला नाकारून नवीन उमेदवार मैदानात उतरला.

जाहिरात

पुण्यात कसबा पोटनिवडणूक भाजपच्या पराभवाची कारणे

संबंधित व्हिडिओ
जाहिरात
News18 लोकमत व्हॉट्सअ‍ॅप चॅनलला फॉलो करा

पुणे, 02 मार्च : पुण्यातील कसबा पोटनिवडणुकीचा निकाल अखेर लागला आहे. काँग्रेसचे उमेदवार रवींद्र धंगेकर विजयी झाले आहे. रवींद्र धंगेकर यांचा पराभव करण्यासाठी भाजपने मनसे, शिंदे गट आणि सर्वच मंत्र्यांना मैदानात उतरवले होते. पण, पुणेकरांनी धंगेकरांना साथ दिली. कसबा पेठ आणि चिंचवड पोटनिवडणुकीच्या मतमोजणीला सकाळी 8 वाजता सुरूवात झाली. पोस्टल मतदानामध्ये काँग्रेसचे उमेदवार रवींद्र धंगेकर यांनी आघाडी घेतली ती शेवटपर्यंत कायम राहिली.  धंगेकर यांनी आता 11 हजार 40 मतांनी भाजपचे उमेदवार हेमंत रासने यांचा पराभव केला आहे.  विशेष म्हणजे, भाजपने कसबा पोटनिवडणुकीमध्ये सर्व ताकदपणाला लावली होती. मनसे, शिवसेना शिंदे गटाने सुद्धा भाजपला पाठिंबा दिला होता. पण, पुणेकरांनी भाजपला धक्का देत रवींद्र धंगेकर यांना निवडून दिलं आहे. रवींद्र धंगेकर यांच्या विजयाची चाहूल लागताच काँग्रेसच्या समर्थकांनी जोरदार जल्लोषाला सुरुवात केली आहे.

पुण्यात कसबाची पोटनिवडणूक अत्यंत चुरशीची ठरली. भाजपने टिळक वाड्याला नाकारून नवीन उमेदवार मैदानात उतरला. त्यामुळे सुरवातीपासून भाजपमध्ये नाराजीचे सूर उमटले होते. अखेर ही नाराजी भाजपला महागात पडली आहे. एवढंच नाहीतर गिरीश बापट यांनीही नाराजी दर्शवत प्रचारापासून दूर राहिले होते. भाजपमधील अंतर्गत नाराजी अखेरीस भाजपच्या पथ्यावर पडली आहे. रवींद्र धंगेकर यांनी तब्बल 11 हजार 40 मतांनी विजय मिळवला आहे. धंगेकर यांच्या बाजूने शिवसेना, काँग्रेस आणि राष्ट्रवादीने जोरदार प्रचार केला होता. आदित्य ठाकरे, अजित पवार, नाना पटोले यांनीही प्रचार केला होता. महाविकास आघाडीने एकीचे बळ दाखवून पूर्ण ताकदीने प्रचार केला. अखेरीस महाविकास आघाडीची मेहनत कामी आली आहे.

मनसेचा भाजपला पाठिंबा वाया

मनसेनं या निवडणुकीमध्ये उमेदवार न उतरवण्याचा निर्णय घेतला होता. ज्या ठिकाणी एखाद्या आमदाराचं निधन होतं, अशा ठिकाणी उमेदवार देणार नाही, अशी भूमिका राज ठाकरे यांनी घेतली होती. एवढंच नाहीतर अंधेरी पोटनिवडणुकीप्रमाणे कसबा निवडणुकीसाठी बिनविरोध निवडणूक करण्यासाठी पत्र सुद्धा लिहिले होते. पण, महाविकास आघाडीने उमेदवार उतरवल्यानंतर मनसेनं भाजपला पाठिंबा जाहीर केला. पुण्यात मनसेची ताकद तशी चांगलीच होती. पण, राज ठाकरेंच्या बदलत्या निर्णयाचा मनसेला फटका बसला. मनसेचे सैनिक सुद्धा भाजपल्या मदतीला धावून आले होते पण त्यांची मेहनत वाया गेली आहे.

मुख्यमंत्री एकनाथ शिंदे यांची प्रचार सभा

मुख्यमंत्री एकनाथ शिंदे यांनी कसबा आणि चिंचवडमध्ये जातीने दखल देऊन प्रचार केला होता. कसब्यात मुख्यमंत्री शिंदे यांनी प्रचारसभा आणि रॅलीमध्ये सुद्धा सहभागी झाले होते. एवढंच नाहीतर शिंदे गटाचे मंत्री सुद्धा प्रचाराला लागले होते. पण, शिंदे गटाला पुणेकरांनी सपशेल नाकारले आहे. शिवसेनेमध्ये बंडखोरीचा शिंदे गटाला फटका बसला.

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

फोटो

महत्वाच्या बातम्या