कसोटी डेब्युआधी चक्रीवादळाने घर नेलं, LIVE पत्रकार परिषदेत ढसाढसा रडला क्रिकेटर

न्यूझीलंडमध्ये गॅब्रियल चक्रीवादळाने प्रचंड नुकसान झाले असून यामध्ये ५० हजारांहून अधिक घरांचे नुकसान झाले आहे. यात इंग्लडविरुद्ध कसोटी मालिकेतून पदार्पण करणाऱ्या क्रिकेटरच्या घराचाही समावेश आहे. घर उद्ध्वस्त झाल्यानंतर क्रिकेटपटू ब्लेअर टिकनरने मदतीसाठी आवाहन केलं आहे.(Blair Tickner Instagram) ब्लेअर टिकनरने इंग्लंडविरुद्ध गेल्या आठवड्यात माउंट माउंगनुई कसोटीतून पदार्पण केलं होतं. मात्र पदार्पणाच्या दोन दिवस आधीच न्यूझीलंडला चक्रीवादळाने तडाखा दिला. यामुळे अनेक ठिकाणी पाणी साचले आहे, चिखल झाला असून हजारो घरे उद्ध्वस्त झाली आहेत. यात टिकनरच्या घराचाही समावेश आहे. (Blair Tickner Instagram) टिकनरने त्याच्या कसोटी पदार्पणात १२७ धावा देत ४ विकेट घेतल्या होत्या. मात्र त्या सामन्यात न्यूझीलंडला २६७ धावांनी पराभव पत्करावा लागला होता. एका बाजूला कसोटी सुरू असताना दुसऱ्या बाजूला न्यूझीलंडमध्ये चक्रीवादळाने हाहाकार उडाला होता. दुसऱ्या कसोटी सामन्याआधी पत्रकार परिषदेत बोलताना यामुळे टिकनरला अश्रू अनावर झाले.(Blair Tickner instagram) पहिला कसोटी सामना ४ दिवसातच संपल्यानं टिकनरला त्याच्या घरी परतण्याची विशेष परवानगी देण्यात आली. यानंतर तो कुटुंबाला या संकटातून सावरण्यासाठी घरी गेला होता.(Blair Tickner instagram) ब्लेअर टिकनर पत्रकार परिषदेत म्हणाला की, माझ्या वडिलांचं घर उद्ध्वस्त झालंय. मी तिथे जाऊन थोडीफार मदत केल्यानं मदत झाली. हा खूप कठीण काळ आहे आणि यामध्ये सेंट्रल स्टॅक क्रिकेट टीम मदत करत असल्याचं पाहून आनंद झाला. आम्हाला माहितीय की हा कठीण काळ आहे पण लोक आव्हानांचा धैर्याने सामना करतायत. (Blair Tickner instagram) ब्लेअर टिकनरने कसोटी पदार्पणाबद्दल बोलताना म्हटलं की, माझ्या पदार्पणाच्या दोन दिवस आधीच चक्रीवादळ आलं, त्यात घराचं प्रचंड नुकसान झालं. हॉक्स बेमध्ये वीज आणि वाहतूक व्यवस्था ठप्प झाली. संपर्काचं माध्यमाच उरलं नाही. माझ्या कसोटी पदार्पणाची गूडन्यूज सुद्धा घरी देऊ शकत नव्हतो. वडिलांनी कशीतरी माझी पहिली विकेट पाहिली. त्यानतंर ७ तास गाडी चालवून घरी परतले आणि लोकांना मदत करायला लागले.(Blair Tickner instagram) ब्लेअर टिकनरने इंग्लंडविरुद्धच्या कसोटी मालिकेतून कसोटी पदार्पण केलं. पदार्पणाच्या सामन्यात त्याने ४ विकेट घेतल्या. (Blair Tickner instagram) न्यूझीलंड क्रिकेटकडूनही या कठीण काळात लोकांच्या मदतीसाठी पुढाकार घेण्यात आलाय. बोर्डाने २५ मार्चला न्यूझीलंड आणि श्रीलंका यांच्यात होणाऱ्या पहिल्या एकदिवसीय सामन्याच्या माध्यमातून चक्रीवादळाचा तडाखा बसलेल्यांसाठी निधी गोळा करण्याचे ध्येय ठेवले आहे. ऑस्ट्रेलिया आणि न्यूझीलंड बँकिंग ग्रुपनेसुद्धा १ मिलियन डॉलर रेस क्रॉस डिझास्टर फंडमध्ये देण्याचा निर्णय घेतला आहे. (Blair Tickner instagram)

तुमचे शहर निवडा

गोवा

मुंबई

पुणे

News18 App33% faster on App

Browser

कसोटी डेब्युआधी चक्रीवादळाने घर नेलं, LIVE पत्रकार परिषदेत ढसाढसा रडला क्रिकेटर

फोटो

ताज्या बातम्या