Digital Deskकुमाऊं आणि नागा रेजिमेंटच्या सैनिकांनी बागेश्वरच्या सुंदरदुंगा हिमनदीच्या दुर्गाकोट पर्वतावर यशस्वी चढाई केली आहे. सैनिकांनी पर्वताच्या माथ्यावर जाऊन तिरंगा आणि लष्कराचा झेंडा फडकावून मोहीम यशस्वी केली. प्रथमच भारतीय लष्कराच्या पथकाने हे शिखर सर केलं आहे. इथली चढण खूप अवघड आहे. येथील हिमनद्या सूर्याच्या पहिल्या किरणांनी चमकतात.
कुमाऊं आणि नागा रेजिमेंटच्या सैनिकांची तुकडी 9 मे रोजी खरकिया येथे पोहोचली होती. संघाची मोहीम 10 मे ते 20 मे पर्यंत चालली. 20 मे रोजी, संघाने दुर्गा कोट पर्वत सर केला. 21 मे रोजी 5800 मीटर उंच दुर्गाकोट शिखर सर करून संघ परतला आहे. सर्व यशस्वी टीम मेंबर्स येथील गावातच थांबले आहेत. इथे दोन दिवसांपासून लष्कराचं आरोग्य शिबिर सुरू करण्यात आलं आहे. या टीमचं नेतृत्व लष्कराचे मेजर अशोक कपूर करत आहेत. या संघात एकूण 30 सदस्य आहेत. ज्यांच्यासोबत स्थानिक गाईड स्वरूप सिंग आणि इतरही जण गिर्यारोहणासाठी गेले होते.
बागेश्वरच्या उत्तरेला असलेल्या कपकोटच्या हिमालयीन प्रदेशात सुंदरदुंगा वसलेलं आहे. सुंदरदुंगा हा पिंडारी आणि काफनी ग्लेशियर ट्रॅकच्या तुलनेत कठीण ट्रॅक मानला जातो. सुमारे चार किमी लांब पसरलेली सुंदरदुंगा हिमनदी अतिशय सुंदर आहे. येथे जाण्यासाठी पर्यटकांना सूर्यास्त होण्यापूर्वी पोहोचावं लागतं. हिमनदीवर पडणारी सूर्याची पहिली किरणं हिमनदीच्या सौंदर्यात भर घालतात. सकाळी 7 वाजून 40 मिनिटांनी पोहोचल्यावर धुकं पडायला सुरुवात होते. त्यामुळे पर्यटकांची निराशा होते.
कोरोनामुळे गेल्या तीन वर्षांपासून गिर्यारोहण मोहीम बंद होती. यावेळी लष्कराच्या मोहिमेमुळे पिंडार खोऱ्यातील स्थानिकांच्या चेहऱ्यावर हसू परत आलं आहे. बहुतेक लोक पोर्टर, गाईड, घोडे आणि खेचर यांच्यातील मालाची वाहतूक करण्याच्या व्यवसायातून आपला उदरनिर्वाह करतात. तीन वर्षांपासून पर्यटन व्यवसाय बंद असल्याने त्यांची आर्थिक स्थितीही डबघाईला आली होती.
6 फोटो