Mohini Vaishnavजगातील अनेक श्रीमंत देशांबद्दल तुम्हाला माहिती आहे, परंतु जगातील सर्वात गरीब देशांतील लोक कसे राहतात हे तुम्हाला माहिती आहे का? गरिबीची वेदना समजून घेण्यासाठी बुरुंडीतील परिस्थिती पाहावी लागेल.
जगातील गरीब देशांमध्ये बुरुंडीचा पहिला क्रमांक लागतो. या देशाची लोकसंख्या सुमारे 12 मिलियन म्हणजे 1 कोटी 20 लाख आहे, त्यापैकी 85 टक्के लोक गरिबीत नाही तर घोर दारिद्र्यात जगतात.
या देशातील बहुतांश लोकांची उपजीविका शेतीवर अवलंबून आहे. आश्चर्याची गोष्ट म्हणजे एकीकडे जग चंद्र आणि मंगळावर जीवसृष्टीचा शोध घेत आहे. त्याचवेळी पृथ्वीवरील या देशात लोकांना जीवन जगण्यासाठी मूलभूत सुविधा मिळत नाहीत.
बुरुंडी हा पूर्व आफ्रिकेतील एक देश आहे. एकेकाळी या देशावर ब्रिटन आणि अमेरिकेचे राज्य होते. हा देश स्वतंत्र झाला तेव्हा आर्थिक स्थिती चांगली होती, पण 1996 पासून परिस्थिती अधिकच बिकट होत गेली.
1996 ते 2005 या काळात बुरुंडीमधील मोठ्या वांशिक संघर्षाने लाखो लोकांचा बळी घेतला आणि अर्थव्यवस्था उद्ध्वस्त केली. हळूहळू हा देश आर्थिकदृष्ट्या मागास होत गेला आणि जगातील सर्वात गरीब देशांच्या यादीत पहिल्या क्रमांकावर आला. बुरुंडीसोबतच मेडागास्कर, सोमालिया आणि मध्य आफ्रिकन रिपब्लिकसह अनेक देश गरिबीचा सामना करत आहेत.
रूही सेनेट या यूट्यूब चॅनलनुसार, या देशातील लोकांचे वार्षिक उत्पन्न 180 डॉलर्स म्हणजे वर्षाला 14 हजार रुपये आहे. येथे दर 3 लोकांपैकी एक बेरोजगार आहे आणि दिवसभर कष्ट करूनही लोकांना दररोज 50 रुपये कमावता येत नाहीत. यूएन आणि इतर संस्था जगभरातील अनेक गरीब देशांसाठी अनेक प्रकारच्या मोहिमा चालवतात. असे असूनही बुरुंडीसह जगातील अनेक देशांतील परिस्थिती सुधारलेली नाही.
6 फोटो