Mohini Vaishnavघर असो, जमीन असो की दुकान, कोणतीही मालमत्ता भाडेतत्वावर देण्यापूर्वी भाडेकरूशी करार आणि व्हेरिफिकेशन करून घेणे अत्यंत आवश्यक आणि अनिवार्य आहे. गेल्या काही वर्षांत बेकायदेशीरपणे मालमत्ता बाळगण्याच्या घटनांमध्ये झपाट्याने वाढ होत असल्याने या कायदेशीर कागदपत्रांची उपयुक्तता वाढली आहे.
तुमची मालमत्ता भाड्याने देण्यापूर्वी भाडेकरूच्या कागदपत्रांचे व्हेरिफिकेशन करणे आवश्यक आहे. यावरुन निश्चित होते की तुम्ही तुमचे घर किंवा दुकान भाड्याने देण्यासाठी निवडलेल्या लोकांचा कोणताही गुन्हेगारी रेकॉर्ड नाही. भाडेकरूचे व्हेरिफिकेशन स्थानिक पोलिस प्राधिकरणाद्वारे केली जाते.
भाडेकरूचे पोलिस व्हेरिफिकेशन ऑनलाइन आणि ऑफलाइन दोन्ही प्रकारे करता येते. तथापि, दोन्ही प्रकरणांमध्ये, भाडेकरू व्हेरिफिकेशन फॉर्म भरावा लागेल आणि सर्व आवश्यक कागदपत्रे सादर करावी लागतील.
सर्वप्रथम पोलिस विभागाच्या ऑनलाइन पोर्टलवर जा आणि भाडेकरू व्हेरिफिकेशन फॉर्म डाउनलोड करा. फॉर्ममध्ये भाडेकरूंच्या डिटेल्ससह तुमची मूलभूत माहिती देखील द्या. या डिटेल्समध्ये नाव, मोबाईल नंबर, ईमेल पत्ता, वर्तमान पत्ता इत्यादींचा समावेश आहे. अनेक राज्यांमध्ये पोलिस विभाग ही सुविधा देते.
व्हेरिफिकेशन फॉर्म भरल्यानंतर, तो वेबसाइटवरच ऑनलाइन सबमिट करा. तथापि, काही पोलिस विभाग प्राधिकरणाची साइट फॉर्म ऑनलाइन सबमिट करण्यास परवानगी देत नाही म्हणून स्थानिक पोलिस स्टेशनला भेट देऊन फॉर्म सबमिट करा.
देशभरातील काही शहरांमधील स्थानिक पोलिस विभागांनी भाडेकरू व्हेरिफिकेशन आणि इतर सेवांसाठी मोबाइल अॅप्स सुरू केले आहेत. ज्याद्वारे फॉर्म सहजपणे भरता आणि सबमिट करता येतो. त्याच वेळी, व्हेरिफिकेशन फॉर्मसोबत भाडेकरू आणि घरमालक यांचे ओळख प्रमाणपत्र, भाडे करार आणि फोटो इत्यादी जमा करावं लागतं. भाडेकरूचे व्हेरिफिकेशन करून त्याचा गुन्हेगारी रेकॉर्ड ओळखला जातो. यामुळे घरमालकाची कोणत्याही प्रकारची फसवणूक किंवा नुकसान टाळण्यास मदत होते.
6 फोटो