Atik Shaikhचहाचा स्टॉल उघडणारा प्रफुल्ल बिल्लौरे हा साधारण शेतकऱ्याचा मुलगा आहे, त्याचे वडिल शेती करतात. प्रफुल्ल हा आपल्या शिक्षणासाठी अहमदाबादला आला होता.
प्रफुल्लला IIM मध्ये काही प्रवेश मिळाला नाही, शिक्षणासाठी आपल्याला जे पैसे मिळायचे त्यातून त्याने IIM अहमदाबाद समोकच एक चहाचा स्टॉल लावला. त्यांचं नाव मिस्टर बिल्लौरे ठेवल्यानं लोकांनी या गोष्टीची चेष्ठा केली होती. इतकंच काय तर दुसऱ्या चहावाल्यांनी त्याने दुकान थाटू नये यासाठी प्रफुल्लला मारहाणही केली होती.
त्यानंतर प्रफुल्लने आपल्या दुकानाचं नाव बदलून MBA चहावाला ठेवलं होतं. त्यानंतर त्याच्या दुकानाचं नाव MBA चहावाला पडलं. आता त्याचे दिवस बदलले असून तो इंग्रजीही शिकला आहे.
आता MBA चहावाला हा एक चांगला ब्रँड बनला आहे. प्रफुल्लचा उद्योग हा देशातील 22 मोठ्या शहरांमध्ये पसरला आहे. त्यामुळं आता त्याची हा स्टॉल विदेशातही खोलण्याची तयारी आहे. या यशासाठी त्याला त्याच्या कुटुंबियांकडून मोठी मदत झाली होती. कोणतंही काम इमानदारीनं केलं तर त्यात यश मिळतं, असं प्रफुल्लचं म्हणणं आहे.
प्रफुल्लचे वडिल सोहन बिल्लौरे हे धारमध्ये पुजासाठी लागणाऱ्या सामानाचं दुकान लावतात. त्यांचं म्हणणं आहे की प्रफुल्ल लहानपणापासूनच हुशार होता. त्याने इतर ठिकाणी शिक्षण घेताना वेगवेगळ्या ठिकाणी छोटंमोठं काम केलेलं आहे. त्यामुळं आम्ही त्याला सतत सहकार्य केल्याचं त्याचे वडिल सांगतात.
प्रफुल्ल बिल्लौरेच्या MBA चहावाला या दुकानाचं रूपांतर देशातील मोठ्या ब्रँडमध्ये झालं आहे. तरूणांईमध्येही या ब्रँडची पार क्रेझ आहे.
6 फोटो