Pooja Jagtapउच्च कोलेस्ट्रॉलच्या समस्येकडे कधीही दुर्लक्ष करू नये. कोलेस्टेरॉल हा सायलेंट किलर आहे, कारण त्याची सुरुवातीची लक्षणे दिसत नाहीत आणि हळूहळू समस्या वाढत जाते. नैसर्गिक पद्धतींनीही कोलेस्टेरॉल नियंत्रित करता येते. यासाठी दररोज 30 मिनिटे शारीरिक हालचालींव्यतिरिक्त आहारात काही बदल करायला हवेत.
खाण्यापिण्याचा कोलेस्टेरॉलच्या पातळीवर चांगला परिणाम होतो. आज आम्ही तुम्हाला अशाच 5 फळांबद्दल सांगत आहोत, ज्याचे सेवन केल्याने तुम्‍ही रक्ताच्या धमन्यांमध्‍ये जमा झालेले कोलेस्‍ट्रॉल लवकर दूर करू शकता.
कोलेस्टेरॉल नियंत्रित ठेवण्यासाठी सफरचंद फायदेशीर मानले जाऊ शकते. डेली मेलच्या रिपोर्टनुसार, कोलेस्टेरॉलचा सामना करणार्‍या लोकांनी दररोज 2 सफरचंद खाल्ल्यास कोलेस्टेरॉलची पातळी 50 टक्क्यांनी कमी होऊ शकते. सफरचंदात विरघळणाऱ्या फायबरसह अनेक पोषक घटक असतात, जे खराब कोलेस्टेरॉल नियंत्रित करून हृदयाचे आरोग्य वाढवतात.
विद्राव्य फायबरने समृद्ध केळी खाल्ल्यानेदेखील शरीरात जमा झालेले वाईट कोलेस्टेरॉल कमी होण्यास मदत होते. केळी खाल्ल्याने रोगप्रतिकारशक्तीही मजबूत होते. रक्तदाब नियंत्रित ठेवण्यासाठीही केळी फायदेशीर मानली जाते.
कोलेस्टेरॉल नियंत्रित करण्यासाठी संत्रीही प्रभावी मानले जाते. संत्र्यामध्ये व्हिटॅमिन सी आणि अँटीऑक्सिडंट भरपूर प्रमाणात असतात. यामुळे शरीरात जमा झालेले वाईट कोलेस्टेरॉल रक्ताच्या धमन्यांमधून काढून टाकण्यास मदत होते. संत्रीसोबत इतर लिंबूवर्गीय फळंदेखील कोलेस्टेरॉलच्या रुग्णांसाठी फायदेशीर मानले जाते.
कोलेस्टेरॉलच्या रुग्णांसाठीही अननस खूप फायदेशीर ठरू शकते. हे फळ जीवनसत्त्वे आणि खनिजांचा खजिना आहे. अननसमध्ये असलेले ब्रोमेलेन रक्तवाहिन्यांमध्ये जमा झालेले कोलेस्टेरॉल तोडून ते काढून टाकते. हे रक्त प्रवाह सुधारते आणि हृदयाचे आरोग्य मजबूत करते.
अ‍ॅव्होकाडोचे सेवन केल्याने कोलेस्टेरॉलची पातळी नियंत्रित ठेवण्यास खूप मदत होते. अनेक अभ्यासांतही ही बाब समोर आली आहे. संशोधनानुसार, अ‍ॅव्होकाडोमध्ये ओलिक अ‍ॅसिड असते, जे शरीरातून रक्तप्रवाहाच्या मध्यभागी येणारे कोलेस्टेरॉल काढून टाकते. यामुळे रक्ताच्या धमन्या साफ होतात आणि रक्तप्रवाह सुधारतो.
6 फोटो