Atik Shaikhकरण जोहर बॉलीवूडच्या अशा प्रसिद्ध निर्मात्यांपैकी एक आहे, जो त्याच्या चित्रपटांसोबतच अनेकदा आपल्या वक्तव्यांमुळे आणि सोशल मीडिया पोस्टमुळे चर्चेत असतो. नवीन वर्षाच्या पहिल्या दिवशी करण जोहरने विचित्र कपड्यांमधील त्याचे फोटो शेअर केले आहेत. हे फोटो पाहिल्यानंतर सोशल मीडिया यूजर्सनी त्याला जोरदार ट्रोल केलं आहे.
दिग्दर्शक करण जोहरने त्याच्या इन्स्टाग्राम अकाऊंटवर एक-दोन नव्हे तर पाच फोटो शेअर केले आहेत. या फोटोंमध्ये करण वेगवेगळ्या पोज देताना दिसत आहे.
करण जोहरने काळ्या टी-शर्टसोबत लाल रंगाचा स्वेटर घातला आहे. यासोबत त्याने काळ्या रंगाची शाल घातली आहे, ज्यामध्ये त्याचे हात दिसत नाहीयेत.
हे फोटो शेयर करताना करणने कॅप्शनमध्ये लिहिलंय की- 'सर्वात भव्य प्रवास... सर्वोत्तम आदरातिथ्य, उत्तम भोजन आणि उत्तम ऊर्जा तुम्हाला हॉटेलमध्ये मिळू शकते.' त्याने सूर्यगड हॉटेलला टॅग करून त्याच्या सौंदर्याची प्रशंसा केली आहे. करणने पुढे लिहिले- 'सर्व लोकांचे आभार ज्यांनी हा मुक्काम इतका खास बनवला'.
करणने फोटो शेअर करताच ते सोशल मीडियावर मोठ्या प्रमाणात व्हायरल झाले आणि यूजर्सने त्याला ट्रोल करण्यास सुरुवात केली.
करणची शाल पाहिल्यानंतर लोकांना शोलेचे ठाकूर आठवले. अनेक युजर्सनी कमेंट करत म्हटले- 'ये हाथ मुझे दे दे ठाकूर.' एका यूजरने लिहिले - 'बिचाऱ्याचा स्वेटर फाटलाय, कोणी त्याला सांगा'. दुसर्‍याने लिहिले - 'तौबा-तौबा सारा मूड खराब कर दिया'. आणखी एका युजरने लिहिलंय की, 'या गरीबाला छान स्वेटर देऊन मदत करा'.
करणच्या या फोटोंची यूजर्स खिल्ली उडवत आहेत. एका यूजरने लिहिलंय की - 'सर ही खूपच खराब स्टाइल आहे.' तर दुसऱ्यानं लिहिलं आहे की- अरे भाऊ बॅटमॅन.
करण जोहर त्याच्या नवीन चित्रपट 'रॉकी और रानी की प्रेम कहानी' सध्या मुळे चर्चेत आहे. या चित्रपटाचे दिग्दर्शन ते स्वत: करत आहेत. यात रणवीर सिंगसोबत आलिया भट्ट मुख्य भूमिकेत आहे. याशिवाय धर्मेंद्र, शबाना आझमी आणि जया बच्चन यांसारखे दिग्गज कलाकारही या चित्रपटामध्ये काम करणार आहेत.
6 फोटो