एकेकाळी गाजलेल्या नायिका आज बिनकामी काढतायत दिवस; टीव्हीच्या 'या' अभिनेत्रींची अशी झालीये अवस्था

या अभिनेत्रींनी एकेकाळी टीव्हीवर राज्य केले होते. पडद्यावर खंबीर आणि संघर्षशील महिलांची भूमिका साकारली. लोकांसाठी, विशेषतः घरगुती महिलांसाठी आदर्श पात्रे साकारली आणि खूप प्रसिद्धी मिळवली. पण आता या अभिनेत्री टीव्हीवरून पूर्णपणे गायब झाल्या आहेत.

या यादीत पहिले नाव येते रुबिना दिलाईकचे. रुबीनाने छोटी बहू, शक्ती- अस्तित्व के एहसास की, सास बिना ससुराल सारखे सुपरहिट शो दिले. ती बिग बॉस 14 ची विजेती देखील होती. पण आता ती टीव्हीवरून पूर्णपणे गायब झाली आहे. तिला पुन्हा पडद्यावर पाहण्यासाठी चाहते उत्सुक आहेत.

'ये है मोहब्बतें'मधून दिव्यांका त्रिपाठीला खूप प्रसिद्धी मिळाली. तिने 'बनू में तेरी दुल्हन', 'तेरी मेरी लव्ह स्टोरीज', 'मिस्टर अँड मिसेस अलाहाबाद वाले से' सारखे सुपरहिट शो दिले. ती 'खतरों की खिलाडी 12' ची उपविजेती देखील होती. पण सध्या तिच्याकडे कोणतेही काम नाही.

निया शर्माने 'काली - एक अग्निपरीक्षा' आणि 'जमाई राजा' सारख्या सुपरहिट शोद्वारे लोकांच्या मनावर राज्य केले. नागिन 4 मुळे तिला अधिक लोकप्रियता मिळाली. गेल्या वर्षी तिने 'झलक दिखला जा 10' मध्ये भाग घेतला होता आणि तेव्हापासून ती कुठेच दिसली नाही.

अंकिता लोखंडेने 'पवित्र रिश्ता'मधून खूप प्रसिद्धी मिळवली आणि प्रत्येक घराघरात अर्चना या नावाने ओळखली गेली. या शोनंतर तिने 'एक थी नायिका'मध्ये काम केले. 2021 मध्ये तिने 'पवित्र रिश्ता 2.0' या वेबसिरीजमध्ये काम केले.

लग्नानंतर तिने पती विकी जैनसोबत 'स्मार्ट जोडी'मध्ये भाग घेतला आणि जिंकली. पण आता ती घरीच बसली असून तिला कोणी काम देत नसल्याची खंत तिने व्यक्त केली होती.

दीपिका कक्करने गेल्या ३ वर्षांपासून टीव्हीवर काहीही काम केलेले नाही. 'नीर भरे तेरे नैना देवी', 'अगले जनम मोहे बिटिया ही कीजो', 'ससुराल सिमर का' सारख्या शोमधून तिने लोकप्रियता मिळवली.

गेल्या 3 वर्षांपासून ती छोट्या पडद्यापासून दूर राहत यूट्यूब व्हिडिओ बनवत चाहत्यांच्या संपर्कात राहते.