जर्मनीत एका दिवसात सापडले जगातील सर्वाधिक कोरोना रुग्ण; इतर देशांचे असे आहेत हाल

यूएसमध्ये देखील 25 एप्रिल रोजी 45,091 नवीन कोरोना रुग्ण सापडले आहेत. तर 28 एप्रिल रोजी येथे 57,985 प्रकरणे समोर आली होती. रुग्णांमध्ये सरासरी 28 टक्के वाढ झाली आहे. अमेरिकेच्या राष्ट्राध्यक्षांचे वैद्यकीय सल्लागार डॉ. अँथनी फौसी यांनी बुधवारी सांगितले की, महामारी अद्याप अमेरिकेतून गेलेली नाही.

जागतिक आरोग्य संघटनेचे (WHO) प्रमुख डॉ. टेड्रोस गेब्रेयसस यांनी पुन्हा एकदा इशारा दिला आहे की, कोरोनाकडे दुर्लक्ष करणे जगासाठी घातक ठरेल. गेब्रेयस यांचे वक्तव्य अशा वेळी समोर आले आहे, जेव्हा बुधवारी जगभरात कोरोनाच्या काळात एका दिवसात सर्वात कमी 15,668 मृत्यूची नोंद झाली आहे.

कोरोनामुळे सध्या चीनमधील 27 शहरांमध्ये लॉकडाऊन आहे. या शहरांमध्ये राहणारी 165 दशलक्ष लोकसंख्या त्यांच्या घरात कैद आहे. यातील सर्वात वाईट स्थिती चीनची आर्थिक राजधानी शांघाय आणि राजकीय राजधानी बीजिंगची आहे. येथे आठवड्यातून तीन वेळा लोकांची चाचणी घेतली जात आहे.

वर्ल्डोमीटरच्या अहवालानुसार, गेल्या 24 तासांत फ्रान्समध्ये 61,000 आणि अमेरिकेत (यूएस) सुमारे 12,000 रुग्ण आढळले आहेत. दक्षिण कोरियामध्ये सर्वाधिक 64,725 नवीन रुग्ण आढळले आहेत. मृतांच्या संख्येबद्दल बोलायचे झाले तर फ्रान्समध्ये 40 आणि अमेरिकेत 14 जणांचा मृत्यू झाला आहे.

आरोग्य मंत्रालयाच्या म्हणण्यानुसार, मलेशियामध्ये गेल्या 24 तासांत 4,006 नवीन कोरोनाचे रुग्ण आढळले आहेत. यामुळे देशात कोरोनाचे आता एकूण 4,431,073 रुग्ण आढळले आहेत. त्याच वेळी रविवारी 8 लोकांचा मृत्यू झाला असून मृतांची संख्या 35,499 वर पोहोचली आहे.

गुरुवारी नवी दिल्लीत 1,490 नवीन रुग्ण आढळले. दिल्लीत एकूण सक्रिय प्रकरणे आता 5,250 आहेत. त्यापैकी केवळ 124 रुग्णांना रुग्णालयात दाखल करावे लागले. देशात सध्या कोरोनाचे 16,980 सक्रिय रुग्ण आहेत. गेल्या 24 तासांत देशात कोरोनाचे 3,303 नवीन रुग्ण आढळले आहेत.