'14 तारखेला माझी सभा आहे, मला माझ्या मनात आहे ते मी बोलणार आहे. माझ्या मनात काही तुबलेलं नाहीय पण मनात अनेक काही गोष्टी आहेत त्या बोलणार आहे
मुंबई, 07 मे : ‘14 तारखेला माझी सभा आहे, मला माझ्या मनात आहे ते मी बोलणार आहे. माझं तुबलेलं नाहीय पण मनात काही गोष्टी आहेत त्या बोलणार आहे, 14 तारखेला अनेकांचे मास्क काढणार ,असं म्हणत मुख्यमंत्री उद्धव ठाकरे (cm uddhav thackery) यांनी विरोधकांना इशारा दिला आहे. मुंबईमध्ये राहणाऱ्या झोपडपट्टयांमध्ये व निवासी इमारतींमधील रहिवाशांनाही नळजोडणी मिळावी, यासाठी महानगरपालिकेच्या ‘सर्वांसाठी पाणी !’ या धोरणाचा शुभारंभ मुख्यमंत्री उद्धव ठाकरे यांच्या हस्ते झाला. यावेळी उद्धव ठाकरेंनी मास्क काढून जोरदार भाषण केलं. ‘आता आपण माणसात आलोय असं वाटतंय कारण बऱ्याच दिवसांनी माईकसमोर बोलायला लागलो आहे. बऱ्याच दिवसांनी मास्क न घालता बोलत आहे बऱ्याच दिवसांनी मास्क काढला. तसा मास्क काढायचा आहे तो 14 तारखेला काढायचा आहे. आताचा कार्यक्रम हा महापालिकेचा आहे. सर्वांसाठी पाणी देण्याचा कार्यक्रम आहे. त्याच्या राजकारण आणून पाणी गढूळ करणार नाही. प्रत्येकाला याचे भान असले पाहिजे, कुठे काय बोलायचे याचे ज्ञान असले पाहिजे’ असा टोला उद्धव ठाकरेंनी विरोधकांना लगावला. ( घरात भक्तीगीतांसाठी स्पीकर लावल्यावरून सुरू झाला वाद; मात्र, शेवट इतका भयानक ) ‘हल्ली विचारांचे प्रदुषण होतंय कोणीही काहीही बोलत आहेत. विकृत विचार मांडले जात आहे. राजकारण जरूर करा पण त्यात एक दर्जा असला पाहिजे. नुसता विरोध करणे म्हणजे विरोधी नाही, सरकारने चागले काम केले तर सांगणे ही दिलदारी आहे पण आता ती दिसत नाही, असं म्हणत उद्धव ठाकरेंनी विरोधकांना टोला लगावला. ‘14 तारखेला माझी सभा आहे, मला माझ्या मनात आहे ते मी बोलणार आहे. माझ्या मनात काही तुबलेलं नाहीय पण मनात अनेक काही गोष्टी आहेत त्या बोलणार आहे, असंही उद्धव ठाकरे म्हणाले. हल्ली थापा मारण्याची फार सवय आहे. अच्छे दिन येतील असं म्हटले होते, पण आता वाट बघतोय, अशा थापा चालणार नाहीत. कौतुकाची थाप मारणारे कमी आहेत बाकी थापा मारणारे जास्त आहेत, असा टोलाही उद्धव ठाकरेंनी विरोधकांना लगावला. ( ‘माझी तुझी..’ मधून प्रार्थनानं घेतला ब्रेक, स्पेंड करतेय पतीसोबत क्वालिटी टाईम ) मी पक्का मुंबईकर आहेच, मुंबईत जन्मलेला राज्याचा पहिला मुख्यमंत्री आहे. याचा मला जास्त अभिमान आहे. १ मे ला ६२ वर्ष झाली, महाराष्ट्राच्या संयुक्त लढाईत आमचे आजोबा होते. लहानपणापासून आम्ही मुंबई आम्ही कशी बदलत आली हे पाहत आलोय, असंही उद्धव ठाकरे म्हणाले. चलो ॲपचं एकच तिकीट सगळीकडे चालणार आहे निवडणुक सोडून चालणार आहे. आधीच स्पष्ट केले तर ते बरे ठरेल. मुंबई ईलेक्ट्रीक बस चालवली जाणार आहे. मुंबई महापालिका एकमेव आहे जी शाळेत सीबीएसई पॅटर्न आहे, दिल्लीत असेल पण ही असंही उद्धव ठाकरे म्हणाले.