मुंबई, 15 जानेवारी : 10 जानेवारीपासून सुरू झालेल्या शेअर बाजाराच्या (Share Market) या आठवड्याच्या अखेरीस टॉप-5 शेअर्सपैकी एकाने 90 टक्क्यांहून अधिक मल्टीबॅगर परतावा (Multibagger Returns) दिला, तर उर्वरित शेअर्स 50 टक्क्यांहून अधिक वाढीसह बंद झाले. काल, शुक्रवारी (14 जानेवारी 2022) शेअर बाजारात गेल्या आठवड्यात 50 टक्क्यांहून अधिक परतावा देणाऱ्या शेअर्सची संख्या 9 होती. आम्ही तुम्हाला असे टॉप 5 शेअर्स सांगणार आहोत, ज्यांनी गेल्या आठवड्यात सर्वाधिक परतावा दिला आणि गुंतवणूकदारांना मालामाल केले. या शेअर्समध्ये आरटीसीएल लिमिटेड (RTCL Ltd.), दौलत सिक्युरिटीज़ (Daulat Securities Ltd.), साधना नायट्रो केम लिमिटेड (Sadhana Nitro), चॉइस इंटरनेशनल लिमिटेड (Choice International Ltd.) आणि वास्वानी इंडस्ट्रीज़ लिमिटेड (Vaswani Industries Ltd.) यांचा समावेश होता. आरटीसीएल लि. – 91.43 टक्के बॉम्बे स्टॉक एक्स्चेंजवर व्यवहार करणाऱ्या ग्रुप X च्या या शेअरने गेल्या आठवड्यात 91.43 टक्के परतावा दिला. परतावा देण्याच्या बाबतीत हा शेअर अव्वल ठरला. आरटीसीएल लिमिटेडचा स्टॉक गेल्या आठवड्यात 11.44 रुपयांवर बंद झाला, तर आठवडा संपताना 21.90 रुपयांवर बंद झाला. जर कोणी गेल्या आठवड्यात या स्टॉकमध्ये 1 लाख रुपये गुंतवले असते तर आज त्याचे 1 लाख 91 हजार रुपये झाले असते. Share Market Tips: मार्केटमध्ये तेजी असताना स्टॉकची खरेदी करावी की विक्री? वाचा प्रसिद्ध इन्वेस्टर Howard Marks चा सल्ला दौलत सिक्युरिटीज लि. – 67.2 टक्के दौलत सिक्युरिटीज लिमिटेडच्या कर्मचाऱ्यांनी गेल्या आठवड्यात 67.20 टक्के परतावा दिला. गेल्या आठवड्यात हा स्टॉक 24.85 वर बंद झाला, तर 14 जानेवारी रोजी संपलेल्या आठवड्यात शेअर 41.55 वर बंद झाला. जर एखाद्याने 1 आठवड्यापूर्वी या स्टॉकमध्ये 1,00,000 रुपयांची गुंतवणूक केली असेल, तर ती आज 1,67,000 झाली असेल. साधना नायट्रो केम लि. – 65.21 टक्के साधना नायट्रोच्या शेअरने गेल्या आठवड्यात (5 दिवसांच्या व्यापार सत्रात) 65.21 टक्के परतावा दिला आहे. गेल्या आठवड्यात हा शेअर 67.4 रुपयांवर बंद झाला, तर या आठवड्याच्या अखेरीस त्याची किंमत 111.35 रुपयांवर पोहोचली आहे. जर एखाद्या व्यक्तीने या शेअरमध्ये 1 लाख रुपये ठेवले असते तर एका आठवड्यात 1 लाख 65 हजार रुपये झाले असते. Share Market Tips: Budget 2022 पूर्वी Zerodha च्या निखिल कामत यांचा सल्ला वाचाच, फायद्याची होईल गुंतवणूक चॉईस इंटरनॅशनल लि. – 56.51 टक्के 7 जानेवारी 2022 रोजी संपलेल्या आठवड्यातर हा शेअर 159.35 वर बंद झाला होता, तर या आठवड्यात शेअर 249.4 रुपयांवर बंद झाला. चॉईस इंटरनॅशनल लिमिटेडने या आठवड्यात 56.51 टक्के परतावा दिला आहे. जर एखाद्या व्यक्तीने 1 आठवड्यापूर्वी या स्टॉकमध्ये 1,00,000 ची गुंतवणूक केली असेल, तर आतापर्यंत त्याची गुंतवणूक 1,56,000 रुपये झाली असेल. वासवानी इंडस्ट्रीज लि. – 56.15 टक्के वासवानी इंडस्ट्रीज लिमिटेडच्या स्टॉकनेही या आठवड्यात 50 टक्क्यांपेक्षा जास्त परतावा दिला आहे. बी ग्रुपचा हा शेअर गेल्या आठवड्यात बीएसईवर 18.7 रुपयांवर बंद झाला होता, या आठवड्यात तो 29.2 रुपयांवर बंद झाला आहे. जर हे रूपयांमध्ये मोजले गेले तर 1,00,000 रुपयांची गुंतवणूक 1,56,000 रुपये झाली असती.