नवी दिल्ली, 24 जानेवारी: तुम्ही देखील सार्वजनिक क्षेत्रातील बँक किंवा खाजगी बँकेत लॉकर घेतले असेल तर ही बातमी तुमच्यासाठी खूप महत्त्वाची आहे. रिझर्व्ह बँक ऑफ इंडियाने 1 जानेवारीपासून लॉकरशी संबंधित नियमांमध्ये बदल केले आहेत. त्यानुसार, ग्राहक आणि बँकांमधील लॉकर करार 1 जानेवारी 2023 पर्यंत रिन्यूअ करायचे होते. पण आता ग्राहक आणि बँकांमधील लॉकर अ‍ॅग्रीमेंट रिन्यूअ करण्याची अंतिम तारीख आरबीआयने वाढवली आहे. आता ग्राहकांना 31 डिसेंबर 2023 पर्यंत लॉकर अ‍ॅग्रीमेंट रिन्यूअ करता येणार आहे.
आरबीआयने ही मुदत वाढवली आहे. कारण मोठ्या संख्येने ग्राहकांनी सुधारित करारावर 1 जानेवारी 2023 पर्यंत स्वाक्षरी केली नाही, जी कराराच्या रिन्यूअलची अंतिम मुदत होती. आता बँकांना आरबीआयने 31 डिसेंबर 2023 पर्यंत प्रक्रिया पूर्ण करण्याचे निर्देश दिले आहेत.
RBI च्या वतीने बँकांना 30 जून 2023 पर्यंत 50 टक्के आणि 30 सप्टेंबर 2023 पर्यंत 75 टक्के काम पूर्ण करण्यास सांगण्यात आले आहे. रिझर्व्ह बँकेने जारी केलेल्या निवेदनात म्हटले आहे की, बँकांना स्टाम्प पेपर इत्यादींची उपलब्धता सुनिश्चित करून सुधारित करारांची अंमलबजावणी सुलभ करण्यासाठी आवश्यक व्यवस्था करण्यासाठी सूचना दिल्या आहेत. या व्यतिरिक्त, ज्या प्रकरणांमध्ये 1 जानेवारी 2023 पर्यंत कराराची अंमलबजावणी न करण्यासाठी लॉकरमधील ऑपरेशन्सवर बंदी घालण्यात आली आहे, ते तात्काळ प्रभावाने बंद केले जातील, असे परिपत्रकात म्हटले आहे.
RBI द्वारे 8 ऑगस्ट 2022 रोजी जारी केलेल्या सुधारित लॉकर करारानुसार, एखाद्याच्या मालमत्तेचे नुकसान झाल्यास, मूल्यातील फरक भरून काढण्यासाठी बँक जबाबदार असेल. ग्राहकांना बँक लॉकर करारावर स्वाक्षरी करण्याची अंतिम मुदत 31 डिसेंबर 2022 ही ठेवण्यात आली होती, परंतु आता ती 31 डिसेंबर 2023 पर्यंत वाढवण्यात आली आहे. याव्यतिरिक्त, ग्राहकांना एसएमएस आणि इतर चॅनेलद्वारे लॉकर निर्बंधांमधील बदलांबद्दल माहिती दिली जाईल.