आयआरसीटीसी टूर पॅकेज
मुंबई, 6 जून : IRCTC पर्यटकांसाठी नेहमीच खास टूर पॅकेज घेऊन येत असते. आता आयआरसीटीसीने तुमच्यासाठी लडाखचे सर्वोत्तम टूर पॅकेज आणले आहे. या टूर पॅकेजमध्ये तुम्ही लडाखमधील सहा सुंदर ठिकाणे स्वस्तात एक्सप्लोर करू शकता. IRCTC चे हे टूर पॅकेज पुढील महिन्यापासून म्हणजेच ऑगस्टपासून सुरू होणार आहे. या टूर पॅकेजमध्ये पर्यटक कंफर्ट क्लासमध्ये विमानाने प्रवास करतील आणि लडाखचे सौंदर्य जवळून पाहू शकतील. चला तर मग या टूर पॅकेजविषयी सविस्तर जाणून घेऊया…
हे टूर पॅकेज 8 दिवसांचे आहे, चंदीगड येथून प्रवास सुरू होईल IRCTC चे हे टूर पॅकेज 7 रात्री आणि 8 दिवसांचे आहे. या टूर पॅकेजमध्ये पर्यटक विमानाने प्रवास करतील. IRCTC ने ट्विट करून टूर पॅकेजची माहिती दिली आहे. आयआरसीटीसीच्या या टूर पॅकेजमध्ये पर्यटक लेह, शाम व्हॅली, नुब्रा, तुर्तक, थांग झिरो पॉइंट आणि पँगॉँगला भेट देतील. IRCTC चे हे टूर पॅकेज देखो अपना देश अंतर्गत सादर करण्यात आले आहे. Railway Knowledge: ट्रेन, मेट्रो आणि प्लेनमध्ये किती दारु घेऊन जाऊ शकता? काय सांगतो नियम? 15 ऑगस्टपासून सुरू होणार हे पॅकेज आयआरसीटीसीचे हे टूर पॅकेज 15 ऑगस्टपासून सुरू होणार आहे. लडाखच्या या टूर पॅकेजमध्ये प्रवाशांना सहा ठिकाणांना स्वस्तात भेट देता येणार आहे. तुम्ही लडाखला भेट देण्याचा विचार करत असाल, तर तुम्हाला IRCTC च्या या टूर पॅकेजपेक्षा स्वस्त कोणतेही टूर पॅकेज मिळणार नाही. या IRCTC टूर पॅकेजचे नाव Incredible Ladakh with IRCTC LTC Approved Ex Chandigarh आहे. IRCTC देतेय स्वस्तात फिरण्याची संधी! लॉन्च केलं भुवनेश्वर, चिल्का, कोणार्कचं खास पॅकेज तिकीट किती असणार? IRCTC च्या या टूर पॅकेजमध्ये तुम्ही सिंगल प्रवास करत असाल तर तुम्हाला 45,240 रुपये भाडे द्यावे लागेल. जर तुम्ही दोन लोकांसोबत प्रवास करत असाल तर तुम्हाला प्रति व्यक्ती 39,485 रुपये भाडे द्यावे लागेल. जर तुम्ही तीन लोकांसोबत प्रवास करत असाल तर तुम्हाला प्रति व्यक्ती 38,685 रुपये भाडे द्यावे लागेल. या टूर पॅकेजमध्ये तुम्ही 5 ते 11 वर्षे वयोगटातील मुलांसोबत प्रवास करत असाल तर तुम्हाला त्यांच भाडं बेडसह 36,850 रुपये द्यावं लागेल. यासोबतच, 5 ते 11 वर्षे वयोगटातील मुलांसाठी बेडशिवाय भाडे 33,250 रुपये असेल. तुम्ही 2 ते 4 वर्षे वयोगटातील मुलांसोबत प्रवास करत असाल तर तुम्हाला त्यांच्या भाड्यासाठी 16440 रुपये द्यावे लागतील.