दक्षिण पूर्व मध्य रेल्वे, नागपूर
मुंबई, 18 सप्टेंबर : सणासुदीचे दिवस जवळ आले आहेत. त्यामुळे प्रत्येकजण रेल्वे, बस, विमानांचे आगाऊ तिकटे बुक करण्यात व्यस्त असतील. रेल्वेने प्रवास करणाऱ्यांची संख्या देशात सर्वाधिक आहेत. परिणामी रेल्वेचं बुकींग किमान महिनाभर आधीच करावे लागते. त्यानंतरही अनेकांना कन्फर्म तिकीट मिळत नाही. काही वेळा जास्त वेटिंगमुळेही तिकीट कन्फर्म होत नाही. यामध्ये लोकांकडे तत्काळ तिकीट बुकिंगचा पर्याय आहे. भारतीय रेल्वे प्रवाशांना तत्काळ तिकीट बुकिंग करण्याचा पर्याय देते. पण, जास्त मागणीमुळे, तत्काळ तिकीट बुक करणे खूप कठीण काम आहे. पण, आता तुम्ही IRCTC द्वारे तत्काळ तिकीट सहजपणे बुक करू शकता. मास्टर लिस्ट फिचर येईल कामी रेल्वेच्या या सेवेमुळे तुम्हाला एजंटकडे फेऱ्या माराव्या लागणार नाहीत. यासाठी तुम्हाला IRCTC चे फीचर वापरावे लागेल. येथे आम्ही तुम्हाला तत्काळ तिकीट सहज कसे बुक करायचे ते सांगत आहोत. यासाठी तुम्हाला IRCTC अॅप आणि मास्टर लिस्ट फीचर वापरावे लागेल. मोबाईल अॅपचा फायदा घ्या हे डेस्कटॉप साइट आणि मोबाइल अॅप दोन्हीद्वारे वापरले जाऊ शकते. मोबाईल अॅपद्वारे तुम्ही बुकिंग प्रक्रिया जलद करू शकता. यासाठी तुम्हाला प्रथम Google Play Store किंवा Apple App Store वरून IRCTC अॅप डाउनलोड करावे लागेल. अॅप डाउनलोड केल्यानंतर, IRCTC आयडीने लॉग इन करा. यानंतर तुम्हाला त्यात मास्टर लिस्ट फीचर वापरावे लागेल. या वैशिष्ट्यासह, आपण प्रवाशाचे तपशील आधीच भरू शकता. यामुळे तुम्हाला बुकिंगच्या वेळी डिटेल्स भराव्या लागणार नाही आणि तुमचा बराच वेळ वाचेल. वाचा - पेट्रोल-डिझेलचे दर 10-12 रुपयांनी कमी होण्याची शक्यता, काय आहे कारण? तत्काळ तिकिटांमध्ये वेळ खूप महत्त्वाची असते. यामुळे, मास्टर लिस्ट फिचरचा वापर करून तत्काळ तिकिट कन्फर्म मिळण्याची शक्यता वाढते. मास्टर लिस्ट फिचर जोडण्यासाठी, तुम्हाला IRCTC अॅप उघडून त्यात लॉग इन करावे लागेल. यानंतर तुम्हाला दिलेल्या ऑप्शनमधून माय मास्टर लिस्टचा पर्याय निवडावा लागेल. यामध्ये तुम्हाला प्रवाशाचे सर्व तपशील भरून सेव्ह करावे लागतील. पुढे जाण्यापूर्वी, आम्ही तुम्हाला सांगतो की एसीमध्ये तत्काळ बुकिंग सकाळी 10 वाजता सुरू होते तर स्लीपर तत्काळ बुकिंग सकाळी 11 वाजता सुरू होते. UPI द्वारे पेमेंट करा तत्काळ बुकिंग सुरू होण्याच्या 1 किंवा 2 मिनिटे आधी अॅप उघडा आणि त्यात लॉग इन करा. यानंतर, प्रवासाचा मार्ग निवडल्यानंतर, मास्टर लिस्टद्वारे प्रवाशांचे तपशील जोडा. त्यानंतर पेमेंटच्या वेळी UPI चा पर्याय निवडा आणि त्याद्वारे पेमेंट करा. यामुळे तुमचा बराच वेळ वाचेल आणि कन्फर्म तत्काळ तिकीट मिळण्याची शक्यता खूप जास्त असेल.