नवी दिल्ली, 4 फेब्रुवारी: वाहन चालकांसाठी ड्रायव्हिंग लायसन्स (Driving License) महत्त्वाचं डॉक्युमेंट आहे. सरकारकडून जारी करण्यात येणाऱ्या या डॉक्युमेंटवर सर्व डिटेल्स अपडेटेड असणं गरजेचं आहे. जर तुमचा पत्ता, मोबाइल नंबर बदलला असेल, तर तो आधार कार्डसह सर्व महत्त्वाच्या डॉक्युमेंट्सवर अपडेट करण्याचं सांगितलं जातं, जेणेकरुन कोणत्याही समस्येचा सामना करावा लागू नये. तुम्ही घरबसल्या ड्रायव्हिंग लायसन्सवरील पत्ता अपडेट (Driving License Address) करू शकता. यासाठी RTO ऑफिस जाण्याची गरज भासणार नाही. तसंच एखाद्या एजेंटकडूनही हे काम करुन घेण्यासाठी पैसे भरावे लागणार नाहीत.
ऑनलाइन पद्धतीने ड्रायव्हिंग लायसन्सवरील पत्ता बदलता येतो. यासाठी काही पैसे आणि आवश्यक डॉक्युमेंट्स सबमिट करावे लागतील. ऑनलाइन कसा बदलाल पत्ता - - सर्वात आधी parivahan.gov.in जा. - Online Services मध्ये Driving License Related Services वर क्लिक करा. - ड्रॉप डाउन लिस्टमध्ये तुमच्या राज्याची निवड करा. - License Related Services ऑप्शन अंतर्गत Drivers/ Learners License वर क्लिक करा. - त्यानंतर Apply for Change of Address वर टॅप करा. - अर्ज जमा करण्यासाठी एक स्क्रिन ओपन होईल. - स्क्रिनवरील डिटेल्स वाचून Continue वर क्लिक करा. - इथे तुमचा Driving License Number आणि जन्मतारीख टाका. - आता Get DL Details वर क्लिक करा. - सबमिट केलेले डिटेल्स तुमचे असल्याचं नमूद करण्यासाठी ड्रॉप डाउनमध्ये Yes वर क्लिक करा. - लिस्टमध्ये जवळच्या RTO ची निवड करा आणि Proceed वर क्लिक करा. - नव्या Address सह इथे आवश्यक सर्व डिटेल्स भरा. - Change of address on DL समोर असलेल्या बॉक्सवर चेक करा. इथे Permanent, Present, किंवा Both पैकी एक ऑप्शन निवडा आणि डिटेल्स भरा. आता Confirm-Submit वर क्लिक करा.
पत्ता बदलण्यासाठी काय असतील डॉक्युमेंट्स - फॉर्म 33 अ‍ॅप्लिकेशन, रजिस्ट्रेशन सर्टिफिकेट, नवा अ‍ॅड्रेस प्रुफ यासाठी पासबुक, वोटर आयडी, आधार कार्ड किंवा वीज बिल द्यावं लागू शकतं. इन्शुरन्स सर्टिफिकेट, पॉल्युशन अंडर कंट्रोल सर्टिफिकेट, पॅन कार्ड किंवा फॉर्म 60 आणि फॉर्म 61 अटेस्टेड कॉपी द्यावी लागेल.