ट्रेन चालवण्यासाठी लायसन्स लागतं का?
मुंबई, 30 मे : भारतात कार, बस किंवा ट्रक चालवण्यासाठी ड्रायव्हिंग लायसन्स आवश्यक आहे. ड्रायव्हिंग लायसन्सशिवाय वाहन चालवणे हा दंडनीय गुन्हा असतो. त्याचप्रमाणे विमान उडवण्यासाठी पायलटकडे लायसन्स असणे आवश्यक आहे. आता प्रश्न पडतो की भारतात ट्रेन चालवायची असेल तर आधी ड्रायव्हिंग लायसन्स घ्यावं लागतं का? ट्रेन ड्रायव्हर पदासाठी अर्ज करण्यापूर्वी परवाना असणे अनिवार्य आहे का? या दोन्ही प्रश्नांचे उत्तर नाही असे आहे.
भारतीय रेल्वेच्या गाड्या चालवणार्‍या लोको पायलटना भरतीपूर्वी कुठूनही ट्रेन चालवण्यासाठी ड्रायव्हिंग लायसन्स मिळणे आवश्यक नाही किंवा देशात कुठेही लोको पायलटसाठी लायसन्स बनवले जात नाहीत. रेल्वे सहाय्यक लोको पायलटची भरती करते. मग ट्रेन ड्रायव्हिंग स्कूलमध्ये भरती झालेल्या तरुणांना ट्रेनिंग देऊन ते ट्रेन चालवण्यास सक्षम बनवतात.
IRCTC: फक्त 16,000 रुपयांत करा दक्षिण भारताची सैर! पाहा कोणत्या सुविधा मिळतीलअसिस्टंट लोको ड्रायव्हर पदासाठी भरती रेल्वे भर्ती बोर्डाद्वारे केली जाते. ही नियुक्ती लेखी चाचणी, मुलाखत आणि मेडिकल टेस्‍टनंतर केली जाते. असिस्टंट लोको पायलट भरती झालेल्या तरुणांना प्रशिक्षण शाळेत पाठवले जाते. ट्रेनिंग स्कूलमध्ये त्यांना ट्रेनचे इंजिन चालवण्याचे प्रशिक्षण दिलं जातं. येथे फक्त ट्रेन चालवण्याचे प्रशिक्षण दिलं जातं. यासोबतच ट्रेनचे इंजिन, रेल्वे ट्रॅक आणि डब्यांची संपूर्ण माहिती दिली जाते. प्रशिक्षणानंतर विभागीय यांत्रिक अभियंता किंवा विभागीय विद्युत अभियंता यांची चाचणी घेतली जाते. उत्तीर्ण झालेल्यांना कंपेटेंसी सर्टिफिकेट दिले जाते. हे प्रमाणपत्र मिळाल्यानंतर त्यांना ट्रेन चालवण्याची संधी दिली जाते. IRCTC: फक्त 8 हजारात करा ऊटीची सैर, पाच दिवसांचं खास टूर पॅकेज
लोको पायटलला थेट पॅसेंजर ट्रेन चालवण्यासाठी दिली जात नाही. आधी त्यांना मालगाडी चालवायला दिली जाते. पॅसेंजर ट्रेनमध्ये हजारो प्रवासी असल्याने असं केलं जातं. प्रवाशांची सुरक्षितता लक्षात घेऊन, केवळ अनुभवी लोको पायलटनाच ती ट्रेन चालवण्याची परवानगी आहे. मालगाडी चालवल्यानंतर पॅसेंजर ट्रेनमध्ये लोको पायलटच्या देखरेखीखाली सहाय्यक लोको पायलटला ट्रेन चालवायला दिली जाते. काही काळ अशा देखरेखीखाली ट्रेन चालवण्याचा अनुभव मिळाल्यावरच त्यांना स्वतंत्रपणे ट्रेन चालवण्याची परवानगी दिली जाते.