विमानाचे टायर्स किती मजबूत असतात
Aeroplane Facts: अनेकदा वाहनांचे टायर फुटल्याचे तुम्ही पाहिले असेल. त्याच्या फुटण्याची अनेक कारणे असू शकतात. बस, ट्रक इत्यादी ओझे वाहून नेणाऱ्या वाहनांचे टायर जास्त लोडिंगमुळे फुटतात. अनेकदा टायर फुटल्याने मोठे अपघातही घडतात. पण शेकडो टन वजनाच्या विमानांचे टायर का फुटत नाहीत याचा कधी विचार केला आहे का? असाही प्रश्न उद्भवतो की एखादे जड विमान सुमारे 250 किमी/तास वेगाने हवाई पट्टीला स्पर्श करते. यावेळी खूप घर्षण होतं. अशा वेळी हे टायर किती दिवसत चालत असतील? आज आपण विमानांची दुनिया या सिरीजमधून अशाच विविध प्रश्नांची उत्तरं जाणून घेणार आहोत. विमानाचे टायर का फुटत नाहीत? विमानाचे टायर हे कशापासून बनवलेले असतात की एवढ्या मोठ्या वजनाने इतक्या वेगाने उड्डाण करूनही ते फुटत नाहीत. विमानाचे टायर वाहनांच्या टायर्सपेक्षा वेगळ्या पद्धतीने बनवले जातात. याच्या टायर्समध्ये, अॅल्युमिनियम आणि स्टीलसारखे इतर अनेक पदार्थ देखील रबरमध्ये मिसळले जातात. कारच्या टायरपेक्षा विमानाच्या टायरमध्ये हवा 6 पट जास्त दाबाने भरलेली असते. म्हणूनच ते इतके वजन सहन करण्यास सक्षम आहेत. Airlines : जगातील टॉप-10 अ‍ॅक्टिव्ह एयरलाइन्स, जाणून घ्या यात भारतातील कोणती कंपनी एक टायर किती दिवस टिकते? विमानाचे टायर किती काळ टिकू शकतात? या प्रश्नाचे उत्तर थोडे अवघड असू शकते, कारण त्याचा टायरचा वापर दिवसांवर अवलंबून नाही तर विमानाचा प्रकार आणि इतर गोष्टींवर अवलंबून आहे. त्यांच्या क्षमतेनुसार विमानांचे अनेक प्रकार आहेत. काही विमानं फक्त मालवाहू आहेत तर काही प्रवासी वाहतूक करणारी आहेत. अशा स्थितीत टायर किती दिवस वापरात आले. हे सर्व विमानाची आतापर्यंत किती उड्डाणे झाली आहेत त्यावर अवलंबून आहे. चला तर मग जाणून घेऊया टायर किती उड्डाणांसाठी वापरले जाऊ शकतात. First Aiport : देशातील पहिलं एयरपोर्ट कुठेय? 90 वर्षांपूर्वी उतरलं पहिलं विमान; पाहा आता कशासाठी होतो वापर टायरमधून किती उड्डाण केले जाऊ शकतात? विमानाच्या एका टायरने टेकऑफ आणि लँडिंग सुमारे 500 वेळा केले जाते. यानंतर, पुढील 500 वेळा वापरण्यासाठी त्यावर एक ग्रिप बसवली जाते. अशा प्रकारे टायरवर एकूण सात वेळा ग्रिप बसवता येते. त्यानुसार एका टायरने सुमारे 3500 वेळा टेकऑफ आणि लँडिंग करता येते. त्यानंतर हे टायर काही उपयोगाचे नसून ते निवृत्त केले जातात. टायरमध्ये नायट्रोजन गॅस भरला जातो विमानाच्या टायरमध्ये सामान्य गॅसऐवजी नायट्रोजन गॅस भरला जातो. कारण नायट्रोजन गॅस इतर गॅसच्या तुलनेत कोरडा आणि हलका असतो. यावर तापमानाचा फारसा परिणाम होत नाही. जाणकार लोक सांगतात की विमानाचा फक्त एक टायर 38 टन वजन सहन करू शकतो.