मुंबई, 06 नोव्हेंबर : अवघ्या महाराष्ट्राचं लक्ष लागलेल्या अंधेरी पोटनिवडणुकीच्या मतमोजणीला सुरुवात झाली आहे. निकालाचा पहिला कल हाती आला असून शिवसेना उद्धव बाळासाहेब ठाकरे पक्षाच्या उमेदवार ऋतुजा लटके आघाडीवर आहे. सर्वाधिक मत घेऊन लटके विजयाच्या मार्गावर आहे. अंधेरी पोटनिवडणुकीसाठी या पोटनिवडणुकीसाठी सरासरी 32 टक्के मतदान झालं आहे. अंधेरीतल्या गुंदवली महापालिका शाळेमध्ये या निवडणुकीची मतमोजणी सुरू झाली आहे. ऋतुजा लटके या दुसऱ्या फेरीमध्ये ६३४७ मत घेऊन आघाडीवर आहे. दुसऱ्या फेरीत मोजलेली मते ही मुरजी पटेल यांची नगरसेविका ज्या वॉर्डमध्ये होती, तेथील निम्याहून अधिक ईव्हीएम मशीन होती. महाराष्ट्र विधानसभेच्या ‘१६६ - अंधेरी पूर्व’ या मुंबई उपनगर जिल्ह्याच्या विधानसभा मतदारसंघात झालेल्या निवडणुकीच्या मतमोजणीत तिसऱ्या फेरी अखेर उमेदवारांना मिळालेली एकूण मते… ऋतुजा लटके- ११३६१ बाला नाडार - ४३२ मनोज नाईक - २०७ मीना खेडेकर- २८१ फरहान सय्यद- २३२ मिलिंद कांबळे- २०२ राजेश त्रिपाठी- ४१० नोटा -२९६७ एकूण मत : १६०९२ =============================== दुसऱ्या फेरीचा निकाल ऋतुजा लटके- 7817 बाला नाडार - 339 मनोज नाईक - 113 मीना खेडेकवर- 185 फरहान सय्यद- 154 मिलिंद कांबळे- 136 राजेश त्रिपाठी- 223 नोटा -1470 ============================ पहिल्या फेरीचा निकाल ऋतुजा लटके- 4277 बाला नाडार - 222 मनोज नाईक - 56 मीना खेडेकवर- 138 फरहान सय्यद- 103 मिलिंद कांबळे- 79 राजेश त्रिपाठी- 127 नोटा -622 एकूण मत : 5624 =========================== या निवडणुकीसाठी 81 हजार मतदारांनी मतदानाचा हक्क बजावला आहे. या निवडणुकीतून भाजपच्या उमेदवारांनं माघार घेतल्यामुळे ऋतुजा लटके यांचं पारडं जड मानलं जातं आहे. (गुलाबराव पाटलांची जीभ घसरली, सुषमा अंधारेंचा ‘नटी’ म्हणून उल्लेख) एकूण २५६ मतदान केंद्रांवर, ८१ हजार मतदारांनी हक्क बजावला. आज मतमोजणी केंद्रावर एकाचवेळी १४ टेबलवर मतमोजणी होणार आहे. एका टेबलवर एक EVM मशिन म्हणजे प्रत्येकी १ हजार मतांची मतमोजणी होणार आहे. मतमोजणीच्या पाच फेऱ्या होणार आहे. एकूण ७० टेबलवर मतमोजणी होणार आहे. भाजपची लढण्याआधीच माघार दरम्यान, अंधेरी पूर्वच्या या पोटनिवडणुकीत भाजपकडून मुरजी पटेल यांना उमेदवारी देण्यात आली होती. या पोटनिवडणुकीत बरेच ट्विस्ट आले. निवडणूक लढवण्यासाठी ऋतुजा लटके यांना कोर्टाची पायरी चढावी लागली. मुंबई महापालिकेत कर्मचारी असलेल्या ऋतुजा लटके यांनी राजीनामा दिला, पण त्यांचा राजीनामा स्वीकारला गेला नाही. ( तुम्हीच सांगा साहेब आम्ही फास लावून घ्यायचा का? ऊस वाहतूकदांरानी मांडल्या व्यथा ) अखेर हायकोर्टाच्या हस्तक्षेपानंतर मुंबई महापालिकेला ऋतुजा लटकेंचा राजीनामा स्वीकारावा लागला, त्यामुळे त्यांचा निवडणूक लढण्याचा मार्ग मोकळा झाला. पण अंधेरी पोटनिवडणुकीत मनसेचे अध्यक्ष राज ठाकरे यांनी भाजपला पत्र लिहून निवडणूक बिनविरोध करण्याची विनंती केली. राष्ट्रवादीचे अध्यक्ष शरद पवार यांनीही तशी विनंती केली. त्यानंतर भाजपने आपला उमेदवार मुरजी पटेल यांना अर्ज मागे घेण्यास सांगितलं. त्यामुळे आता लटके यांच्या विजयाचा मार्ग मोकळा झाला आहे.