घटनास्थळाचा फोटो
संतोष कुमार गुप्ता छपरा, 29 एप्रिल : देशात दिवसेंदिवस गुन्हेगारीच्या घटना सातत्याने घडत आहेत. चोरीच्याही घटनांमध्ये मोठी वाढ झाली आहे. त्यातच आता बिहारच्या सारण जिल्ह्यात धक्कादायक घटना घडत आहेत.
सारण जिल्ह्यात जणू गुन्हेगारांना पोलिसांचा धाकच उरला नाही, असे दिसत आहे. छपरामध्ये सध्या बँका आणि एटीएम गुन्हेगारांच्या निशाण्यावर आहेत. यातच एक धक्कादायक घटना समोर आली आहे. मशरक येथील पोलीस ठाण्यापासून अवघ्या काही अंतरावरच एटीएम कापून चोरट्यांनी 24 लाखांची चोरी केली. चोरट्यांनी रात्री उशिरा गॅस कटरने एटीएम कापून त्यात ठेवलेली बरीच रोकड लंपास केली. पोलिसांनी या रकमेचा दावा केला नसला तरी आणि कॅश मॅनेजमेंट एजन्सीला बोलावण्यात आले आहे. सूत्रांकडून मिळालेल्या माहितीनुसार, शुक्रवारीच कॅश जमा करणाऱ्या एजन्सीने 24 लाख एटीएममध्ये ठेवले होते आणि चोरट्यांनी एटीएमवर डोळा ठेवत धक्कादायक कांड केले. ज्याच्या घरात एटीएम बसवले आहे तो व्यक्ती घराबाहेर गेला होता आणि परत आल्यावर त्याला एटीएमचे शटर कापून चोरट्यांनी एटीएम चोरीची मोठी घटना घडवून आणली, असे दिसले. हे एटीएम मशरक नगर पंचायत परिसरातील मार्केट परिसरात असलेल्या इंडियन ऑइल पेट्रोल पंपासमोर स्टेट बँक ऑफ इंडियाचे आहे. दरम्यान, ज्या एटीएममध्ये ही घटना घडली ते पोलीस ठाण्यापासून 500 मीटर अंतरावर असल्याने आरोपींना कायद्याची कोणतीही भीती नाही, असे दिसत आहे. एटीएम कापून चोरीच्या या मोठ्या घटनेची माहिती लोकांनी सकाळी आठ वाजता पोलिसांना दिली. प्रथम एटीएमच्या शटरचे दोन्ही कुलूप गॅस कटरने कापले, त्यानंतर गॅस कटरने एटीएम मशीन कापून त्यामध्ये ठेवलेले पैसे घेऊन चोरट्यांनी पळ काढला. दरम्यान, घटनेची माहिती मिळताच पोलिसांनी घटनास्थळी धाव घेतली. याबाबत एसपींशी बोलण्याचा प्रयत्न करण्यात आला. मात्र, संपर्क होऊ शकला नाही. या घटनेने परिसरात मोठी खळबळ उडाली आहे.