या घटनेमुळे ठाण्यात गॅंगवारला ऊत आला आहे. गेल्या महिन्याभरात ३ गोळीबाराच्या घटना घडल्या आहेत.
ठाणे, 21 ऑक्टोबर : मुख्यमंत्री एकनाथ शिंदे यांच्या ठाण्यात चाललं काय असा सवाल आता उपस्थितीत झाला आहे. ठाण्यात मागील दोन तासांमध्ये 2 गोळीबाराच्या घटना घडल्या आहेत. येऊरमध्ये वर्तकनगर पोलीस स्टेशनच्या हद्दीत एका व्यक्तीवर गोळीबार झाला आहे. याआधी सकाळी नौपाडा परिसरात गोळीबार झाला होता. पोलिसांनी दिलेल्या माहितीनुसार, ठाण्यामधील वर्तकनगर पोलीस स्टेशनच्या हद्दीमध्ये ही घटना घडली आहे. गँगवार मधून येऊर परिसरात गोळीबार झाल्याची प्राथमिक माहिती देण्यात आली आहे. या गोळीबारात एक व्यक्ती जखमी झाली आहे. ज्याच्यावर गोळीबार झाली ती व्यक्ती गुन्हेगारी पार्श्वभूमीची आहे. नुकतच हत्येचा प्रयत्नाच्या गुन्ह्यातून जामीनावर बाहेर आला होता. या घटनेमुळे ठाण्यात गॅंगवारला ऊत आला आहे. गेल्या महिन्याभरात ३ गोळीबाराच्या घटना घडल्या आहेत. (मुख्यमंत्र्यांच्या ठाण्यात चाललं काय? भांडण सोडवणाऱ्यावरच गोळीबार, ठाणे हादरलं) तर आज सकाळीच 10 वाजेच्या सुमारास नौपाडा पोलीस स्टेशनच्या हद्दीत ही घटना घडली आहे. घंडाळी मैदानामध्ये दोन गटामध्ये वाद सुरू होता. यावेळी भांडण सोडवण्यासाठी एका व्यक्ती प्रयत्न केला. पण, अज्ञात तरुणाने या व्यक्तीवरच गोळीबार केला. आशिष गमरे असं जखमी झालेल्या तरुणाचे नाव आहे. संपत्तीच्या वादातून गोळीबार झाला असल्याची माहिती समोर आली आहे. गोळी लागल्यामुळे ही व्यक्ती जखमी झाली असून खासगी रुग्णालयात उपचार सुरू आहे. वाशिम शहरात गाद्या विकणाऱ्या 35 वर्षीय व्यक्तीचा खून दरम्यान, वाशिम जिल्ह्यातील पुसद महामार्गावर धक्कादायक घटना समोर आली आहे. लोटांगने महाराज मंदिरा जवळ रात्री गाद्या विकणाऱ्या उत्तरप्रदेशमधील व्यक्तीचा खून करण्यात आला आहे. ओमप्रकाश चव्हाण असं मृतकाचे नाव आहे. हा व्यक्ती उत्तरप्रदेशमधील खोरीया शिव येथील रहिवाशी होता.ओमप्रकाश चव्हाण आणि त्याचे सहकारी गाद्या विकून आल्यावर रात्री झोपले होते. ( डॉक्टर पत्नीचं भयंकर कृत्य; बिझनेसमन पतीला मांत्रिकाला भेटवलं, कोट्यावधींची फसवणूक ) त्यावेळी एका अज्ञात व्यक्तींनी येऊन ओमप्रकाश चव्हाणवर चाकूने वार करून त्याचा खून केला. ओमप्रकाश चव्हाणच्या खुनाचे कारण अद्याप अस्पष्ट असून दिवाळीच्या तोंडावर खुनाची घटना घडल्याने वाशिम शहर परिसरात एकच खळबळ उडाली आहे. खुनाचा तपास वाशिम पोलीस करत आहेत.