बुलंदशहर, 12 मे : उत्तर प्रदेशातील (Uttar Pradesh News) गुलावठीमध्ये तीन दिवसांपूर्वी झालेल्या शादाब हत्याकांड प्रकरणात पोलिसांनी धक्कादायक खुलासा केला आहे. पोलिसांनी या प्रकरणात खुलासा करीत सांगितलं की, हत्यांकाडाचे मुख्य आरोपी कासिफने आपला मेव्हणा इरफानच्या मृत्यूचा (Crime News) सूड उगवण्यासाठी भयंकर कृत्य केलं. यासाठी त्याने दिल्लीतून भाड्याने शूटर्स बोलावले. पोलिसांनी सांगितलं की, शादाब आणि आरोपीमध्ये शत्रूत्व होतं. गेल्या 18 मार्च रोजी हापुड निवासी इरफान नावाच्या व्यक्तीची हत्या केली होती आणि मारेकऱ्याने त्याचे 31 तुकडे केले होते. इरफानच्या हत्या प्रकरणात शादाबचा भाऊ डासना तुरुंगात आहे. इरफानच्या हत्येनंतर त्याचा मेव्हणा कासिफ आणि भाऊ बदल घेण्याच्या तयारीत होते. इरफानचा मेहुणा कासिफने दिल्लीतील भाड्याने घेतलेले 3 शार्प शूटर आणि अन्य एकासोबत मिळून गुलावतीमध्ये शादाब हत्येचे भयंकर कृत्य केलं. यादरम्यान शूटर्स आणि कासिफने शादाबला 31 गोळ्या घातल्या. गोळीबार करताना कोणाला गोळ्या घालत असल्याचं आरोपींचा लक्षातही नव्हतं. त्यांनी आपल्याच एका साथीदाराला गोळी घालून जखमी केलं. आता पोलिसांनी शूटर्सला अटक करीत घटनेत वापरलेले पिस्तूल, कारतूसं, दुचाकी आदी जप्त केले आहेत. दिलेल्या माहितीनुसार, तीन दिवसांपूर्वी बुलंदशहर भागातील गुलावठीमधील डॉक्टर शादाबची गोळ्या घालून हत्या करण्यात आली. पोलिसांनी भाड्याने आणलेल्या शूटर्सना ताब्यात घेऊन चौकशी सुरू केली आहे.