जूनपर्यंत त्याने श्रद्धा जिवंत असल्याचे दाखवण्यासाठी श्रद्धाचं इन्स्टाग्राम अकाऊंट वापरलं, असल्याची माहिती पोलिसांना मिळाली
नवी दिल्ली, 15 नोव्हेंबर : अवघ्या देशाला हादरावून सोडणाऱ्या दिल्लीतील श्रद्धा हत्याकांड प्रकरणाची नव नवीन माहिती समोर येत आहे. आरोपी आफताबने श्रद्धाची हत्या करून तिचा मोबाइल हा महाराष्ट्रात फेकून दिला आहे. त्याचा पोलीस शोध घेत आहे.
दिल्लीत काल (दि.14) मन सुन्न करणारी घटना समोर आली आहे. विकृत प्रियकराने आपल्या प्रेयसीची हत्या तिच्या मृतदेहाचे 35 तुकडे केले आणि फ्रीजमध्ये ठेवले होते. गेल्या सहा महिन्यापासून पोलीस या प्रकरणाचा तपास करत होते, अखेर पोलिसांनी या विकृती प्रियकराला बेड्या ठोकल्या आहेत. परंतु या विकृत प्रियकराच्या बाबतीत दुसरी एक धक्कादायक माहितीसमोर आली आहे.
आफताबने श्रद्धाचा मोबाईल महाराष्ट्रात कुठेतरी फेकून दिला, मोबाईल परत मिळवण्यासाठी पोलीस श्रद्धाच्या मोबाईलचे शेवटचे लोकेशन शोधत आहेत. ज्या शस्त्राने श्रद्धाचा मृतदेह कापला होता, तिने दिल्लीत कुठेतरी फेकून दिला होता, दिल्ली पोलीस त्या शस्त्राचा शोध घेत आहेत.
तसंच, श्रद्धाच्या हत्येनंतर आफताब श्रद्धाच्या इन्स्टाग्राम अकाउंटवरून श्रद्धाच्या काही मित्रांशी बोलायचा, जूनपर्यंत त्याने श्रद्धा जिवंत असल्याचे दाखवण्यासाठी श्रद्धाचं इन्स्टाग्राम अकाऊंट वापरलं, असल्याची माहिती पोलिसांना मिळाली आहे. पोलीस आफताबची या कोनातून अधिक चौकशी करणार आहेत, अशी माहितीही समोर आली आहे. त्याचबरोबर, दिल्ली पोलीस बंबल ॲपला पत्र लिहून माहिती मागणार आहेत.आफताबने बंबल ॲपवर प्रोफाइल तयार केले होते. बंबलच्या माध्यमातून श्रद्धाला भेटले आणि श्रद्धाची हत्या केल्यानंतर दुसरी गर्लफ्रेंड बनवली. त्याने आणखी काही मुलींना आपल्या जाळ्यात ओढले का, याचा तपास पोलीस करत आहे. त्याच खोलीत दुसऱ्या मुलीसोबत आफताब करत होता अश्लील चाळे
27 वर्षीय श्रद्धाच्या हत्येप्रकरणी चौकशीदरम्यान पोलिसांना नवी माहिती समोर आली आहे. श्रद्धाचा मृतदेह फ्रिजमध्ये असताना आरोपी आफताब त्याच खोलीत दुसऱ्या मुलीसोबत अश्लिल चाळे करत होता. आरोपी आफताबने श्रद्धाची निर्घृण हत्या केल्यानंतर तिच्या मृतदेहाचे ३५ तुकडे केले आणि काही आठवडे फ्रीजमध्ये ठेवले आणि नंतर ते तुकडे वेगवेगळ्या ठिकाणी जंगलात फेकून दिल्याची माहिती समोर आली आहे.
खून करून मृतदेह फ्रीजमध्ये ठेवून आरोपी आफताब एका मुलीला डेट करत होता. एका मुलीला त्यानं डेटिंग अॅप द्वारे आपल्या घरी बोलावलं होतं. श्रद्धाचा मृतदेह फ्रिजमध्ये असतानाच हा त्याच घरात या मुलीसोबत राहत होता. पोलीस सूत्रांच्या माहितीनुसार श्रद्धाबरोबरच अनेक मुलींचे आफताबचे संबंध होते. आता दिल्ली पोलीस या सर्व मुलींचा तपास करत आहे. ज्या जंगलात मृतदेहाचे तुकडे फेकले तिथं पोलीस आफताबला घेऊन गेले आहेत. मृतदेहाचे अवशेष शोधण्याचा प्रयत्न पोलिसांकडून सुरू आहे.
काय आहे नेमकं प्रकरण?
दिल्लीमध्ये अंगावर शहारे आणणारी धक्कादायक घटना घडली आहे. या विकृत प्रियकराने आपल्या प्रेयसीची निर्घृणपणे हत्या केली. हत्या केल्यानंतर तिच्या मृतदेहाचे 35 तुकडे केले आणि फ्रीजमध्ये ठेवले होते. गेल्या सहा महिन्यापासून पोलीस या प्रकरणाचा तपास करत होते, अखेर पोलिसांनी या विकृती प्रियकराला बेड्या ठोकल्या आहे.
हे ही वाचा : कुख्यात गुंडाच्या बायकोची काढली छेड, तिने असा घेतला बदला की तरुणाचे कापले लिंग
पोलिसांनी दिलेल्या माहितीनुसार, आफताब असं या आरोपीचं नाव आहे. श्रद्धा असं मृत तरुणीचे नाव आहे. दोघांची भेट ही मुंबईतील एका कॉल सेंटरमध्ये झाली होती. दोघांमध्ये आधी मैत्री झाली त्यानंतर मैत्रीचे रुपांतर प्रेमात झाले होते. दोघेही प्रेमात आकंठ बुडाले होते. त्यांनी कुटुंबीयांना माहिती दिली. पण, घरच्यांचा विरोध होत असल्यामुळे दोघेही दिल्लीला पळून गेले. दिल्लीमध्ये छतरपुर दोघे एकत्र राहत होते. श्रद्धाचे कुटुंबीय सोशल मीडियाच्या माध्यमातून तिची विचारपूस करत होते.
पण, अचानक श्रद्धाचा काही दिवसांपासून संपर्क होत नसल्यामुळे कुटुंबीयांना संशय बळावला. श्रद्धाचे वडील दिल्लीत पोहोचले आणि त्यांनी तिचा शोध घेतला पण काहीच पत्ता लागला नाही. त्यामुळे त्यांनी दिल्ली पोलिसांत तक्रार दाखल केली.
त्यानंतर पोलिसांनी तपासाला सुरुवात केली. पोलिसांना सुरुवातीला कोणतीची माहिती मिळाली नाही. पण पोलिसांनी तांत्रिक तपास सुरू केला. त्याच एका खबऱ्याकडून माहिती मिळाली आणि आफताबला पोलिसांनी ताब्यात घेतलं.
हे ही वाचा : नवी मुंबई हादरली, दोन गटात तुफान हाणामारी, एकाचा जागीच मृत्यू
6 महिने मृतदेहाचे तुकडे फेकत होता
सुरुवातील आफताबने उडवाउडवीची उत्तरं दिली. पण पोलिसांनी खाक्या दाखवताच आफताबने गुन्ह्याची कबुली दिली. दिल्लीत आल्यावर श्रद्धाने लग्न करण्यासाठी तगादा लावला होता. त्यावरून आमच्यामध्ये भांडणं होत होती. मे महिन्यात आमच्यामध्ये असंच भांडणं झालं, त्यामुळे रागाच्या भरात तिचा खून केला. तिचा खून केल्यानंतर तिच्या मृतदेहाची विल्हेवाट लावण्यासाठी तिच्या शरिराचे 35 तुकडे केले आणि जंगलामध्ये फेकून दिले, अशी कबुली आफताबने दिली.
पोलिसांनी सांगितलं की, श्रद्धाचा गळा दाबून खून केला होता. त्यानंतर सुऱ्याने तिच्या शरिराचे 35 तुकडे केले. हे तुकडे ठेवण्यासाठी त्याने नवीन फ्रीज खरेदी केलं होतं. 18 दिवस त्याने श्रद्धाचे तुकडे फ्रीजमध्ये ठेवले होते. रात्री 2 वाजता तो प्लास्टिकच्या पिशवीमध्ये तुकडे गोळा करत होता आणि बाहेर जाऊन फेकून येत होता. पोलिसांनी आफताब विरोधात खुनाचा गुन्हा दाखल केला आहे. या प्रकरणाचा अधिक तपास पोलीस करत आहे.