अल्पवयीन मुलीसोबत धक्कादायक कृत्य
मुंबई, 13 मार्च : पालघर जिल्ह्यातील विरार येथे घडलेल्या सामूहिक बलात्काराच्या घटनेने महिलांच्या सुरक्षेचा प्रश्न पुन्हा ऐरणीवर आला आहे. एक अल्पवयीन मुलगी रात्री एक वाजण्याच्या सुमारास औषधे घेण्यासाठी जात असताना दोन आरोपींनी तिचं अपहरण केलं. अपहरणानंतर मुलीला पालघर जिल्ह्यातील विरार येथे नेऊन तिच्यावर आळीपाळीने बलात्कार केला. ही घटना उघडकीस आल्यानंतर वांद्रे पोलिसांनी 2 आरोपींना अटक केली आहे. एएनआय या वृत्तसंस्थेने ही माहिती दिली आहे.
धक्कादायक म्हणजे आरोपीने या घटनेचा व्हिडिओ बनवला आणि तिच्यावर बलात्कार करण्याची धमकी दिली. 11 मार्च रोजी दोघांविरुद्ध भादंवि कलम 376(2)(एन), 366(ए), 328, 506,323,34 आणि पोक्सो कलम 4,8,12 अन्वये गुन्हा दाखल करण्यात आला असल्याची माहिती मुंबई पोलिसांनी दिली आहे.