नवी दिल्ली, 4 मार्च : ऑस्ट्रेलियन क्रिकेटर, दिग्गज फिरकीपट्टू शेन वॉर्न (Australia cricket Shane Warne) यांचं वयाच्या 52 व्या वर्षी निधन झालं. हृदयविकाराच्या झटक्याने त्यांचा मृत्यू झाल्याची शक्यता व्यक्त केली जात आहे. जगातील क्रिकेट विश्वासाठी ही हादरवणारी बातमी आहे. त्यातच शेन वॉर्नने सकाळी केलेलं ट्विट आता चर्चेचा विषय ठरला आहे. सकाळी साडेसात वाजण्याच्या सुमारास शेन वॉर्नने ऑस्ट्रेलियन क्रिकेटपटू रॉड मार्श यांच्या निधनावर शोक व्यक्त करणारं ट्विट केलं होतं. त्यांनी लिहलंय की, रॉड मार्श गेल्याची बातमी ऐकून खूप दुःख झालं. तो क्रिकेटमधील महान खेळाडू होता आणि अनेक तरुण मुला-मुलींसाठी एक प्रेरणा होता. रॉडला क्रिकेटची खूप काळजी होती आणि त्यांनी क्रिकेटला खूप काही दिलं. विशेषतः ऑस्ट्रेलिया आणि इंग्लंडच्या खेळाडूंना त्यांनी खूप काही दिलं. या बिकट काळात मी Ros आणि त्यांच्या कुटुंबाच्या भावनांसोबत आहे. RIP
अशा आशयाचं भावूक ट्विट शेन वॉर्न यांनी सकाळी केलं होतं आणि संध्याकाळी त्यांच्याच मृत्यूची बातमी आल्यानं आश्चर्य व्यक्त केलं जात आहे. ऑस्ट्रेलियन क्रिकेटमधील दोन क्रिकेटपट्टूंचे लागोपाठ निधन झाल्यानं क्रिकेट विश्वावर शोककळा पसरली आहे. दरम्यान, ऑस्ट्रेलियाचा महाग लेगस्पिनर म्हणून शेन वॉर्नला ओळखलं जात होतं. जगातील क्रिकेट इतिहासात शेन वॉर्नला महान बॉलरपैकी एक मानलं जातं. 1992 मध्ये त्यांनी पहिली टेस्ट मॅच खेळली होती आणि श्रीलंकेच्या मुरलीधरननंतर 1000 आंतरराष्ट्रीय विकेट (टेस्ट आणि वनडे मॅच) घेणारा दुसरा बॉलर ठरला. हे वाचा - ऑस्ट्रेलियाला एकाच दिवसात दोन मोठे झटके, नियतीने दिग्गज क्रिकेटपटूंना हिरावलं शेन वॉर्न त्यांच्या जादुई फिरकीसाठी प्रसिध्द होता. कसोटी क्रिकेटमध्ये वॉर्न यांनी आपल्या फिरकीच्या जोरावर 700 पेक्षा जास्त विकेट्स मिळवल्या होत्या, तर वनडेमध्ये 293 विकेटस पटकावल्या होत्या. शेन वॉर्न यांनी कसोटी क्रिकेटमध्ये 700 पेक्षा जास्त विकेट घेतल्या आहेत. वॉर्न यांना जगातील महान लेग स्पिनर मानले जात होतं. त्यांनी जगातील प्रत्येक मैदानावर गोलंदाजीने ऑस्ट्रेलियासाठी सामना जिंकून देणारी कामगिरी केली.