रश्मिकाच्या डान्सवर सुनील गावस्कर फिदा! कॉमेंट्री करताना लगावले ठुमके
मुंबई, 1 एप्रिल : जगप्रसिद्ध क्रिकेट लीगपैकी एक असणाऱ्या इंडियन प्रीमियर लीगला शुक्रवार पासून सुरुवात झाली आहे. पहिला सामना चेन्नई विरुद्ध गुजरात यांच्यात पारपडला असून पहिल्या सामन्यात गुजरातने धोनीच्या चेन्नईचा पराभव केला. यासामन्यापूर्वी झालेल्या आयपीएलच्या ओपनिंग सेरेमनीमध्ये रश्मिका मंधाना हिने आपल्या डान्सचा तडका लावला. यावेळी रश्मिकाच्या डान्सची भुरळ भारताचे माजी क्रिकेटर सुनील गावस्कर यांना देखील पडली. अहमदाबाद येथील नरेंद्र मोदी स्टेडियमवर आयपीएलचा पहिला सामना पारपडला. या सामन्यापूर्वी तब्बल 4 वर्षांनी आयपीएल चा दिमाखदार उदघाटन सोहळा संपन्न झाला. या सोहळ्यात प्रसिद्ध गायक अरिजित सिंह, अभिनेत्री तमन्ना भाटिया आणि रश्मिका मंधाना यांनी जबरदस्त परफॉर्मन्स केला. अरिजित सिंह याने बॉलिवूडमधील अनेक गाणी गायली. तर तमन्ना भाटिया आणि रश्मिका मंधाना या दोघांनी बॉलिवूड आणि साऊथच्या गाण्यावर डान्स केला. IPL 2023 : IPL च्या दिमाखदार सोहळ्यातील रश्मिका आणि तमन्नाचे न पाहिलेले हे खास Videos
नॅशनल क्रश रश्मिका मंधानाच्या डान्सवर प्रेक्षकांसह भारताचे माजी क्रिकेट सुनील गावस्कर देखील फिदा झाल्याचे पाहायला मिळाले. ते कॉमेंट्री बॉक्समधून टीव्ही स्क्रीनवर ओपनिंग सेरेमनी पाहात असताना रश्मिकाचा डान्स पाहताना त्यांनाही नाचण्याचा मोह आवरला नाही. तेव्हा सुनील गावस्कर देखील बसल्या बसल्या नाचू लागले. सुनील गावस्कर यांनी यापूर्वी देखील कॉमेंट्री करत असताना नाटू नाटू गाण्यावर केलेल्या डान्सचा व्हिडिओ व्हायरल झाला होता. तर आता कॉमेंट्री बॉक्स मध्ये बसून रश्मिका मंधानाचा डान्स पाहून नाचणाऱ्या सुनील गावस्कर यांचा व्हिडिओ देखील व्हायरल होत आहे.