सलग दुसऱ्यांदा लखनौ सुपर जाएंट्सची IPLच्या प्लेऑफमध्ये धडक
मुंबई, 20 मे : आयपीएल 2023 मध्ये आज 68 वा सामना लखनौ सुपर जाएंट्स विरुद्ध कोलकाता नाइट रायडर्स यांच्यात रंगला. यासामन्यात लखनौ संघाने केकेआरचा पराभव करून प्लेऑफमध्ये मध्ये पोहचला आहे. लखनौ सुपर जाएंट्सने केकेआरचा 1 धावाने पराभव केला आहे. यासह गुजरात टायटन्स आणि चेन्नई सुपरकिंग्सनंतर लखनौ सुपर जाएंट्स आयपीएल 2023 च्या प्लेऑफमध्ये पोहोचणारा तिसरा संघ ठरला आहे. कोलकाताच्या इडन गार्डन या स्टेडियमवर लखनौ सुपर जाएंट्स विरुद्ध कोलकाता नाइट रायडर्स यांच्यात सामना खेळवण्यात आला. या सामन्यात केकेआरचा कर्णधार नितीश राणाने टॉस जिंकून प्रथम गोलंदाजीचा निर्णय घेतला. तेव्हा लखनौ सुपर जाएंट्सने प्रथम फलंदाजी करताना 20 ओव्हरमध्ये 8 विकेट्स गमावून 176 धावा केल्या. लखनौकडून निकोलस पूरनने सर्वाधिक 58, प्रेरक मंकडने 26, आयुष बडोनी 25, कृष्णप्पा गौथमने 11 तर क्विंटन डी कॉकने 28 धावा केल्या. लखनौने केकेआरला विजयासाठी 177 धावांचे आव्हान दिल्यानंतर केकेआरकडून रिंकू सिंहने , जेसन रॉयने 45, व्यंकटेश अय्यरने 24, रहमनउल्लाह गुरबाझने 10 धावा केल्या. तर केकेआरच्या इतर कोणत्याही फलंदाजाला दोन अंकी धाव संख्या करता आली नाही. अखेर केकेआरचा 1 धावाने पराभव झाला.
लखनौने केकेआर विरुद्ध विजय मिळवून थेट प्लेऑफमध्ये धडक दिली आहे. लखनौने आयपीएल 2022 मध्ये देखील आयपीएलच्या प्लेऑफमध्ये जागा मिळवली होती. तर आता सलग दुसऱ्यांदा लखनौने हे स्थान पटकावले आहे. लखनौ सुपर जाएंट्सच्या पूर्वी गुजरात टायटन्स आणि चेन्नई सुपरकिंग्सने प्लेऑफमध्ये स्थान मिळवले आहे.