Pooja Pawarबिलासपूरच्या कोटा भागातील राणीगावमध्ये RIPA अंतर्गत गायीच्या शेणापासून नैसर्गिक रंग तयार केला जात आहे. हे पेंट पूर्णपणे नैसर्गिक असून, त्यामुळे कोणतीही हानी होत नाही आणि बाजारात उपलब्ध असलेल्या पेंटपेक्षा ते स्वस्त देखील आहे.
जागृती महिला बचत गटाच्या लोकांनी शेणापासून रंग तयार करून 1 लाख 80 हजार रुपयांचे उत्पन्न मिळवले आहे. त्यामधून त्यांना ४५ हजार रुपयांचा फायदाही झाला आहे.
आतापर्यंत बचत गटाने 870 लिटर पेंट विकले असून आता त्यांना 7000 लिटरची ऑर्डर मिळाली आहे.
रिपा केंद्रात पेंट बनवण्यासह महिलाही प्लास्टिकच्या गोण्या बनवण्याचे काम देखील करतात.
कोटा जिल्हा पंचायतीचे मुख्य कार्यकारी अधिकारी युवराज सिन्हा यांनी सांगितले की, राणी गावच्या रिपा केंद्रात ग्रामस्थ बचत गटांच्या माध्यमातून चांगले उत्पन्न मिळवत आहेत. त्याचबरोबर या रिपा केंद्राच्या सुशोभीकरणाचे कामही काही दिवसांत पूर्ण होणार आहे.
शासनाच्या या योजनेमुळे ग्रामस्थही खूश आहेत. राणीगाव येथील रिपा केंद्रात तुळशीमाता बचत गट आणि जागृती महिला बचत गटात एकूण 20 महिला आणि 12 पुरुष कार्यरत असून, त्यांना शासनाच्या या योजनेचा लाभ झाला आहे.
आता लवकरच या रिपा केंद्रात अगरबत्ती बनवण्याचे काम देखील सुरु केले जाणार आहे.
6 फोटो