Ajay Kautikwarकोरोना व्हायरचा प्रसार थांबविण्यासाठी जगभर औषध शोधण्यात येत आहे. मात्र त्यात यश आलेलं नाही. मात्र कोरोनाचं निदान करण्यासाठी आता नवं तंत्रज्ञान विकसित झालं आहे.
कोरोनाची टेस्ट करून त्याचं निदान व्हायला पहिले काही दिवस लागायचे. आता तो वेळ फक्त काही तासांवर आला आहे.
सिंगापूरच्या तज्ज्ञांनी खास टेक्निक शोधून काढली असून त्यामुळे फक्त 36 मिनिटांमध्ये टेस्टचं निदान होणार आहे. (Test Result in Thirty Six Minute)
सिंगापूरच्या Nanyang Technological Universityच्या तज्ज्ञांनी हे तंत्रज्ञान विकसित केलं आहे.
कोरनाच्या चाचणीसाठी त्यामुळे प्रयोग शाळेतही जाण्याची गरज पडणार नसल्याचं या तज्ज्ञांनी म्हटलं आहे.
या टेस्टसाठी एक छोटं टुल किट विकसित करण्यात आलं आहे. ही पेटी घेऊन डॉक्टर्स आता थेट साथ असलेल्या भागात जाऊ शकतात.
त्या ठिकाणी जाऊन स्वॅब घेतल्यानंतर फक्त 36 मिनिटांमध्ये त्या टेस्टचा निकाल हाती येणार आहे.
निकाल लवकर कळाल्यामुळे त्या रुग्णांवर तातडीने उपचार करणं शक्य होणार असून रुग्ण बरे होण्याचं प्रमाण वाढणार आहे.
तसेच कोरोना झालेल्या रुग्णांना तातडीने क्वारंटाइन करणंही शक्य होणार आहे.
त्यामुळे कोरोनाचा प्रसार थांबेल आणि रुग्णांची संख्याही कमी होईल. त्याचबरोबर लवकर उपचार मिळाले तर मृत्यूच्या संख्येतही घट होण्याची शक्यता व्यक्त केली जात आहे.
6 फोटो