कोरोना लशीच्या संदर्भात रशियाने घेतला सर्वात मोठा निर्णय, जगाचं लागलं लक्ष!

जगभरातून शंका घेतल्यानंतर रशियाने आता कोरोना लशीसंदर्भात सर्वात मोठा निर्णय घेतला आहे. लशीवरचा विश्वास वाढावा यासाठी हा निर्णय घेतल्याचं बोललं जात आहे.

रशियाने या लशीची फेज-3ची ट्रायलच घेतली नाही असा आरोप झाला होता. त्यानंतर रशियाने हा निर्णय घेतला आहे.

रशियाने Sputnik V हे औषध शोधल्याचा दावा केला होता. मात्र त्यांच्या संशोधनाच्या पद्धतीवर जगभरातून टीका झाली होती.

रशियाने फक्त 38 लोकांवरच त्याचा प्रयोग केल्याचंही सांगितलं जात होतं.

जगभरातून शंका घेतल्या गेल्यानंतर आता 45 केंद्रांवर 40 हजार लोकांना ही लस देण्यात येणार असल्याचं रशियाने म्हटलं आहे.

कोरोनावरचं Sputnik V हे औषध सुरक्षित असल्याचा दावा रशिया कायम करत आला आहे.

त्यामुळे रशियाच्या या चाचण्यांचे निष्कर्ष काय येतात याकडे सगळ्या जगाचं लक्ष असणार आहे.