कोण होता 17 वर्षीय नाहेल? ज्याच्या हत्येने संपूर्ण फ्रान्स पेटलाय, आणीबाणीची स्थिती, पाहा PHOTO

मंगळवारी देशाची राजधानी पॅरिसमध्ये एका 17 वर्षीय अल्पवयीन मुलाची वाहतूक नियमांचे उल्लंघन केल्याप्रकरणी गोळ्या घालून हत्या करण्यात आली. त्यानंतर संपूर्ण देशात हिंसाचाराची आग भडकली. सलग चौथ्या रात्री झालेल्या हिंसाचाराच्या पार्श्वभूमीवर देशात आणीबाणीची शक्यता नाकारता येत नाही, असे गृहमंत्री गेराल्ड डार्मेनिन यांनी सांगितले. (फोटो-एएनआय/न्यूज18)

व्हायरल झालेल्या व्हिडिओमध्ये दोन पोलीस चेक पॉईंटवर पिवळ्या मर्सिडीजमध्ये बसलेल्या नीलला थांबवतात. पण जेव्हा त्याने आपली गाडी पुढे नेण्याचा प्रयत्न केला तेव्हा एक पोलीस म्हणतो की मी तुझ्या मानेवर गोळी घालीन. दरम्यान, दुसरा पोलीस म्हणतो की त्याला गोळी मार. यानंतर त्याने नीलवर गोळी झाडली. ज्याचा रुग्णालयात नेत असताना मृत्यू झाला. (एपी)

मिळालेल्या वृत्तानुसार, नाहेलला पॉईंट ब्लँक रेंजमधून गोळ्या घालण्यात आल्या. आरोपी पोलीस कर्मचाऱ्याला अटक करण्यात आली असून त्याच्यावर खुनाचा खटला सुरू आहे. दरम्यान, हत्येचे वृत्त पसरताच नागरिकांचा संताप उसळला. काही वेळातच संपूर्ण देशात हिंसाचाराची आग भडकली. (एपी)

17 वर्षीय नाहेल अल्जेरियन आणि मोरोक्कन वंशाचा फ्रेंच नागरिक होता. मध्य पॅरिसपासून काही अंतरावर असलेल्या नॅनटेरे येथे नाहेल आपल्या कुटुंबासह राहत होता. त्याचा कोणताही गुन्हेगारी रेकॉर्ड नव्हता. तो स्थानिक रग्बी संघाकडून खेळत असे. परंतु, नॅनटेरेचे सर्वोच्च वकील पास्कल प्राचे यांनी सांगितले की, या किशोरवयीन मुलाला यापूर्वी वाहतूक नियमांचे उल्लंघन केल्याबद्दल न्यायालयाने समन्स बजावले होते. (ANI)

या घटनेनंतर अनेक शहरांमध्ये दगडफेक आणि जाळपोळ सुरू झाली. रस्त्यावर उतरलेल्या आंदोलकांनी हातात फलक घेऊन पोलिसांचा निषेध केला. फलकांवर 'जस्टिस फॉर नाहेल' आणि 'पोलिसी हत्या' असे लिहिले होते. (एपी)

मीडियाशी बोलताना नाहेलची आई मौनिया म्हणाली की, ती आपल्या मुलाच्या हत्येसाठी पोलिसांना दोष देत नाही. उलट, ती आपल्या मुलाला गोळ्या घालणाऱ्या व्यक्तीला खुनाचा आरोपी मानते. मौनिया म्हणाली, 'माझे अनेक मित्र पोलीस अधिकारी आहेत, ते माझ्यासोबत मनापासून आहेत.' (एएफपी)

हिंसाचारानंतर पॅरिसची बस वाहतूक उद्ध्वस्त झाली आहे. दुकाने, कार्यालये, बँका, शॉपिंग मॉल्स, लायब्ररी आणि शाळा हे आंदोलकांचे लक्ष्य आहेत. त्याचबरोबर या दंगलीत 249 पोलीस कर्मचारी जखमी झाले आहेत. पोलिसांनी आतापर्यंत 1300 हून अधिक लोकांना अटक केली आहे. त्याचवेळी राष्ट्राध्यक्ष मॅक्रॉन यांनी देशात हिंसाचार पसरवण्यासाठी सोशल मीडियाला जबाबदार धरले आहे. (एएफपी)