Meenal Gangurdeभारतीय महिला क्रिकेट संघाची स्टार फलंदाज स्मृती मंधाना हिच्या नावावर आज अनेक विक्रम आहेत. 2013 मध्ये बांग्लादेशविरुद्धच्या एकदिवसीय सामन्यात आंतरराष्ट्रीय क्रिकेटमध्ये पदार्पण करणाऱ्या मंधानाने भारतासाठी २ कसोटी, 51 वनडे आणि 75 टी -२० सामने खेळले आहेत.
2018 मध्ये या स्टार फलंदाजाला उत्कृष्ट कामगिरीबद्दल आयसीसीतर्फे सर्वोत्कृष्ट महिला क्रिकेटर ऑफ द इयर पुरस्कार देण्यात आला. त्याच वर्षी ती एकदिवसीय खेळाडू म्हणूनही निवडली गेली.
18 जुलै 1996 रोजी मुंबईत जन्मलेल्या मंधानाचे वडील आणि भाऊ दोघेही जिल्हास्तरीय क्रिकेटपटू होते. आपला भाऊ महाराष्ट्र अंडर 16 स्पर्धेत खेळताना पाहून मंधानाला क्रिकेट खेळण्याची प्रेरणा मिळाली आणि तिने क्रिकेटला आपले जीवन बनवले.
वयाच्या नऊव्या वर्षी मंधानाची महाराष्ट्राच्या अंडर 15 संघात निवड झाली आणि वयाच्या 11 व्या वर्षी तिला राज्याच्या अंडर 19 संघात निवडले गेले. तिचे वडील क्रिकेटच्या कार्यक्रमाची काळजी घेत असत. आईने डाएटची जबाबदारी घेतली आणि भाऊ तिला नेट प्रॅक्सिससाठी मदत करीत असे
ऑक्टोबर 2013 मध्ये महाराष्ट्राकडून गुजरातविरुद्धच्या एकदिवसीय सामन्यात जेव्हा तिने दुहेरी शतक ठोकले, तेव्हा मंधानाच्या कारकीर्दीचा आलेख आकाशाला भिडला. मंधाना असे करणारी पहिली भारतीय महिला ठरली.
6 फोटो