Shreyasवर्ल्ड टेस्ट चॅम्पियनशीपच्या फायनलमध्ये (World Test Championship Final) टीम इंडियाचा न्यूझीलंडने (India vs New Zealand) धक्कादायक पराभव केला, असं असलं तरी भारताचा ऑफ स्पिनर आर.अश्विन (R Ashwin) याने या स्पर्धेत इतिहास घडवला आहे. दोन वर्ष चाललेल्या या स्पर्धेत अश्विन हा सर्वाधिक विकेट घेणारा खेळाडू ठरला आहे.
अश्विनने न्यूझीलंडविरुद्ध दुसऱ्या इनिंगमध्ये दोन विकेट घेताच हा विक्रम स्वत:च्या नावावर केला. वर्ल्ड टेस्ट चॅम्पियनशीपमध्ये अश्विनने तब्बल 71 विकेट मिळवल्या.
अश्विनने पॅट कमिन्स (Pat Cummins) आणि स्टुअर्ट ब्रॉड (Stuart Broad) यांना मागे टाकलं. कमिन्सच्या नावावर या स्पर्धेत 70 विकेट तर ब्रॉडच्या नावावर 69 विकेट होत्या.
अश्विनने फक्त 26 इनिंगमध्येच 71 विकेट आपल्या नावावर केल्या, तर कमिन्सला 70 विकेट घ्यायला 28 इनिंग लागल्या.
अश्विनने फायनलच्या दुसऱ्या इनिंगमध्ये टॉम लेथम (Tom Latham) आणि डेवॉन कॉनवे (Devon Conway) यांना आऊट केलं. लेथमने अश्विनच्या बॉलिंगवर पुढे येऊन शॉट मारण्याचा प्रयत्न केला, पण यात तो फसला आणि ऋषभ पंतने त्याला स्टम्पिंग केलं.
लेथमची विकेट घेतल्यानंतर अश्विनने डेवॉन कॉनवेला एलबीडब्ल्यू केलं.
6 फोटो