Ramesh Patilयंदाची महाशिवरात्री अतिशय विशेष मानली जात आहे. ज्योतिष शास्त्रानुसार 30 वर्षांनंतर महाशिवरात्रीला असा दुर्मिळ संयोग घडत आहे, ज्यामध्ये शिवाची पूजा केल्यास चांगले फळ मिळेल.
महाशिवरात्रीला 30 वर्षांनी दुर्मिळ योगायोग ज्योतिष तज्ज्ञांच्या मते, महाशिवरात्रीला 30 वर्षांनंतर शनि आणि पिता सूर्य दोघेही कुंभ राशीत एकत्र असतील. शनि आणि सूर्य यांच्या संयोगामुळे अनेक राशींवर त्याचा प्रभाव दिसून येईल. दुसरीकडे, शारीरिक सुख आणि सौंदर्याचा कारक शुक्र, मीन राशीत विराजमान राहील. असे मानले जाते की कैलास निवासी भगवान शंकराची पूजा केल्यानं ग्रहांचे त्रास दूर होतात. ज्यांच्या कुंडलीत शनि आणि सूर्य यांच्या संयोगामुळे अशुभ घडण्याची शक्यता आहे, त्यांनी या दिवशी भोलेनाथाचा रुद्राभिषेक करावा, त्यामुळे सर्व दोष दूर होतात, असे मानले जाते.
महाशिवरात्रीचे उपाय - महादेवाचा महिमा अनन्यसाधारण आहे. त्यांची भक्ती करणाऱ्या देवी, देवता, मानव, गंधर्व, दानव, भूत-पिशाच या सर्वांना त्यांचा आशीर्वाद लाभतो. असे म्हणतात की, महाशिवरात्रीच्या दिवशी ज्या शिवलिंगाची पुष्कळ काळापासून पूजा केली गेलेली नाही, अशा कोणत्याही शिवलिंगाला दुधाने अभिषेक करावा. असं केल्यानं पितृदोष, गृहदोष असे सर्व दोष दूर होतात, असे मानले जाते. या दरम्यान शिवाच्या पंचाक्षरी मंत्राचा 108 वेळा जप करा. या दिवशी निशिता काळातील शिवलिंगाची पूजा फार फलदायी ठरते. शिवपूजा निशिता काल मुहूर्त - 12:15 AM - 01:06
महाशिवरात्री 2023 या राशींसाठी लकी - मेष - या वर्षी मेष राशीच्या लोकांना महाशिवरात्रीला भगवान शंकराची विशेष कृपा लाभेल. व्यापारी वर्गातील लोकांना आर्थिक लाभ होईल. नोकरी करणाऱ्या व्यक्तीच्या उत्पन्नात वाढ होण्याची दाट शक्यता आहे. वैवाहिक जीवनातील तणाव दूर होईल. कुटुंबात समृद्धी येईल.
वृषभ - वृषभ राशीच्या लोकांनी महाशिवरात्रीला पंचामृताने अभिषेक करावा. यावेळी नशीब तुमच्या सोबत असेल. गुंतवणुकीसाठी हा सर्वोत्तम काळ आहे. संपत्तीत वाढ होईल. व्यवसायात प्रगती होईल.
कुंभ - महाशिवरात्रीच्या दिवशी शनि कुंभ राशीत असल्यामुळे तुम्हाला प्रत्येक कामात यश मिळेल. लव्ह लाईफमध्ये प्रेम वाढेल, लग्न होण्याची शक्यता आहे. विविध ठिकाणांहून पैसे मिळतील.
6 फोटो