Ramesh Patilबुधादित्य राजयोग म्हणजे काय? ज्योतिषशास्त्रात आदित्य म्हणजे सूर्य. सूर्य आणि बुध हे दोघेही व्यक्तीच्या कुंडलीत एकत्र आल्यावर बुधादित्य योग तयार होतो. बुध हा सूर्यमालेतील सूर्याच्या सर्वात जवळचा ग्रह आहे. ज्योतिष शास्त्रानुसार जेव्हा एखाद्या व्यक्तीच्या कुंडलीत बुधादित्य योग तयार होतो, त्यावेळी त्या व्यक्तीला संपत्ती, सुख, समृद्धी आणि सन्मान प्राप्त होतो.
मेष : बुध आणि सूर्य एकाच राशीत असल्यामुळे बुधादित्य योग तयार होत आहे. मेष राशीच्या लोकांसाठी हा राजयोग लाभदायक ठरणार आहे. मेष राशीच्या लोकांना नोकरी किंवा व्यवसायात मोठा फायदा होणार आहे. लाइफ पार्टनरशी संबंध चांगले राहतील. मुलाकडून काही चांगली बातमी अपेक्षित आहे. विद्यार्थी वर्गासाठी हा काळ अनुकूल आहे. जर तुम्ही स्पर्धा परीक्षेची तयारी करत असाल तर तुम्हाला त्यात यश मिळेल. अविवाहित लोकांचे लग्न होऊ शकते.
कर्क: सूर्याचे भ्रमण कर्क राशीच्या लोकांना नोकरीत प्रगती, धनलाभ आणि यश देईल. कर्क राशीच्या लोकांना नवीन संधी मिळतील. जर तुम्ही परदेशात नोकरी करण्याचा विचार करत असाल तर तुम्हाला संधी मिळू शकते. कौटुंबिक जीवन आनंदी राहील. लहान भावंडांचे सहकार्य मिळेल. व्यावसायिकांच्या उत्पन्नात वाढ होऊ शकते. नोकरदार लोकांना पदोन्नती देखील शक्य आहे. व्यवसाय किंवा नोकरीसाठी लांबचा प्रवास करावा लागू शकतो.
सिंह : सिंह राशीच्या लोकांचा स्वामी सूर्य हा ग्रह आहे. सिंह राशीच्या लोकांना सूर्याच्या भ्रमणाचा लाभ होईल. नोकरी व्यवसायात प्रगती होईल. रखडलेले पैसे परत मिळू शकतात. रखडलेली कामे पूर्ण होतील. कोर्ट केसेसमध्ये यश मिळेल. सिंह राशीच्या लोकांच्या उत्पन्नात आणि यशात अनपेक्षित वाढ होण्याची चिन्हे आहेत, प्रवासाला जाऊ शकता.
धनू : धनू राशीच्या लोकांना सूर्याच्या भ्रमणामुळे लाभ होईल. धनू राशीच्या लोकांना उच्च शिक्षणाची संधी मिळू शकते. तुम्ही नोकरीच्या शोधात असाल तर तुम्हाला चांगल्या संधी मिळतील. प्रेमसंबंध मजबूत होतील, लग्न करायचे असेल तर हा काळ चांगला आहे. जर तुम्हाला भागीदारीत व्यवसाय करायचा असेल तर ही एक उत्तम संधी आहे.
कुंभ : सूर्याचे हे संक्रमण कुंभ राशीच्या लोकांना प्रवासाच्या संधी उपलब्ध करून देईल. अचानक तुम्हाला लांबच्या प्रवासाला जावेसे वाटू शकते. मीडिया क्षेत्रात काम करणाऱ्या लोकांना नवीन संधी मिळतील. तुमच्या वडिलांशी तुमचे संबंध सुधारतील. पदोन्नतीचीही शक्यता निर्माण झाली आहे. ऑफिसमधील वरिष्ठ तुमच्या कामावर खूश होतील.
6 फोटो