सुशांत सिंह राजपूत प्रकरण : 14 जूनला मृत्यू ते CBI तपास; आतापर्यंत काय काय झालं?

14 जून : 34 वर्षीय अभिनेता सुशांत सिंह राजपूतचा मृतदेह मुंबईतील वांद्र्यातील घरात पंख्याला लटकलेल्या अवस्थेत सापडला. मुंबई पोलिसांनी आकस्मिक मृत्यूचं कारण शोधण्यासाठी सीआरपीसी अंतर्गत  तपास सुरू केला.

18 जून : सुशांतची गर्लफ्रेंड अभिनेत्री रिया चक्रवर्तीने मुंबई पोलिसांसमोर आपला जबाब नोंदवला. 

6 जुलै :  दिग्दर्शक संजय लीला भन्साली यांचा मुंबई पोलिसांनी जबाब नोंदवला.

18 जुलै : दिग्दर्शक  आणि यशराज फिल्म्सचे अध्यक्ष आदित्य चोप्रा यांचा मुंबई पोलिसांनी जबाब घेतला.

25 जुलै : सुशांतचे वडील केके सिंह यांनी आपल्या मुलाला आत्महत्येसाठी प्रवृत्त केल्याचा आरोप करत रिया चक्रवर्ती आणि तिच्या कुटुंबाविरोधात बिहार पोलिसात गुन्हा दाखल केला. 

27 जुलै : मुंबई पोलिसांनी दिग्दर्शक महेश भट्ट यांचा जबाब नोंदवला.

29 जुलै  : पाटणा पोलिसांनी मुंबई पोलिसांना प्रकरण हस्तांतरित करावं या मागणीसह रिया चक्रवर्ती सर्वोच्च न्यायालयात गेली.

31 जुलै : सुशांतच्या कुटुंबाने रियाने सुशांतला लुटल्याचा आरोप केल्याने ईडीने या प्रकरणात गुन्हा दाखल केला.

4 ऑगस्ट : बिहारचे मुख्यमंत्री नितीश कुमार यांनी या प्रकरणाच्या सीबीआय चौकशीची मागणी केली.  मुंबई पोलीस आयुक्तांनी या प्रकरणा एकूण 54 लोकांचा जबाब नोंदवल्याचं सांगितलं.

6 ऑगस्ट : सीबीआयने या प्रकरणात गुन्हा दाखल केला.

7 ऑगस्ट : रिया चक्रवर्तीने सर्वोच्च न्यायालयात याचिका दाखल केल्यानंतर केंद्र सरकारदेखील एक पक्ष म्हणून न्यायालयात गेलं.

8 ऑगस्ट : सुशांतचे वडील केके सिंह यांची रियाच्या याचिकेला विरोध करणारी याचिका सर्वोच्च न्यायालयात दाखल केली.

10 ऑगस्ट : रियाने मीडिया ट्रायलचा आरोप करत सुप्रीम कोर्टात पुन्हा नव्याने याचिका केली. 

11 ऑगस्ट :  बिहार पोलिसांनी आपल्या अधिकार क्षेत्राबाहेर काम केलं असं महाराष्ट्र सरकारने सर्वोच्च न्यायालयात सांगितलं. सर्वोच्च न्यायालयाने रियाच्या याचिकेवर आपला निर्णय राखून ठेवला. 

19 ऑगस्ट :  सर्वोच्च न्यायालयाने सुशांत सिंह राजपूत प्रकरण सीबीआयला सोपवण्याचा निर्णय दिला.