News18 Deskमुंबई, 10 मे: कोरोना विरुद्धच्या लढाईत मदत करुन भारतीयांचं मन जिंकणारा कोलकाता नाईट रायडर्सचा (KKR) फास्ट बॉलर पॅट कमिन्स (Pat Cummins) लवकरच बाबा होणार आहे. त्याची होणारी बायको बॅकी बोस्टन हिनं सोशल मीडियावर फोटो शेअर करत ही आनंदाची बातमी सांगितली आहे. (Becky Boston Instagram)
कमिन्स आणि बॅकीनं मागच्या वर्षी फेब्रुवारीमध्ये साखरपुडा केला होता. बॅकीनं तिचा प्रेगन्सीचा फोटो शेअर केला आहे. ‘मी ही आनंदाची बातमी लपवू शकत नाही, बेबी बोस्टन कमिन्स लवकरच आपल्यासोबत असेल,’ असं तिनं सांगितलं.
आयपीएल स्पर्धेच्या या सिझनमधील (IPL 2021) 7 मॅचमध्ये 9 विकेट्स घेणारा कमिन्स सध्या मालदीवमध्ये आहे. आयपीएल स्थगित झाल्यानंतर कमिन्स आणि अन्य ऑस्ट्रेलियन खेळाडू मालदीवला गेले आहेत. (Pat Cummins/Instagram)
ऑस्ट्रेलियाचा बॅट्समन डेव्हिड वॉर्नरनं (David Warner) या जोडप्याचं अभिनंदन केलं आहे.
डेव्हिड वॉर्नरची पत्नी कँडी वॉर्नरनं ही सनसनाटी बातमी असून दोघांचं अभिनंदन अशा शुभेच्छा दिल्या आहेत. कमिन्सनं भारतामधील कोरोनाग्रस्तांसाठी 50 हजार ऑस्ट्रेलियन डॉलर्स म्हणजेच जवळपास 37 लाख 36 हजार रुपये देण्याची घोषणा केली आहे.
6 फोटो