मुंबईकरांना मोठा दिलासा! शहरातील कोरोना परिस्थितीचा 'पॉझिटिव्ह' आकडा

कोरोनाविरोधी दुसऱ्या लाटेवरही नियंत्रण मिळवण्याचे मुंबईचे प्रयत्न यशस्वी होताना दिसत आहेत. गेले काही दिवस मुंबईतील सर्वाधिक रुग्णसंख्येने चिंता वाढली होती. पण आता मुंबईकरांना मोठा दिलासा मिळाला आहे.

मुंबईतील पॉझिटिव्हीटी रेट लक्षणीयरित्या घसरला आहे. मुंबईत मागच्या काही दिवसात रुग्ण पॉझिटिव्ही दर हा 10 टक्क्यांच्या आसपास होता. पण आता तो यापेक्षाही कमी झाला आहे.

पॉझिटिव्हीटी दर म्हणजे एकूण चाचण्यांच्या प्रमाणात पॉझिटिव्ह आढळलेले रुग्ण. सध्या मुंबईतील पॉझिटिव्हीटी रेट हा जवळपास पावणेआठ टक्क्यांवर आला आहे.

मागील 24 तासांत 33 हजार 400 चाचण्या झाल्या. त्यापैकी  2633 चाचण्या पॉझिटिव्ह आल्या आहेत. याचा अर्थ मुंबईतील पॉझिटिव्हीटी दर हा 7.8% आहे.

मुंबईत आतापर्यंत मागच्या सव्वा वर्षाच्या काळात 56 लाख 44 हजार 402 इतक्या चाचण्या झाल्या. त्यापैकी 6 लाख 71 हजार 394 इतके रुग्ण कोरोना बाधित आढळलेत.

कोणत्याही सामाजिक सांस्कृतिक / राजकीय / धार्मिक मेळाव्यास अनुमती दिली जाणार नाही. सभामंडप किंवा नाटक थिएटर देखील मेळावा आयोजित करण्यासाठी वापरु नयेत, अशा सूचना देण्यात आल्या आहेत.