Rahul Pundeमायानगरी मुंबईला 'स्वप्नांचे शहर' म्हटले जाते. भारताची आर्थिक राजधानी म्हटल्या जाणाऱ्या मुंबईत देशातील आघाडीच्या उद्योगपतींपासून ते बॉलीवूडचे स्टार राहतात. हे महानगर अतिशय आलिशान जीवनशैलीसाठी ओळखले जाते.
एव्हेन्यू सुपरमार्टचे संस्थापक आणि सीईओ (डीमार्ट) राधाकिशन दमानी यांच्याकडे दक्षिण मुंबईतील दुसऱ्या क्रमांकाची सर्वात महाग मालमत्ता आहे. त्यांनी 5,752 स्क्वेअर मीटरची मालमत्ता 1001 कोटी रुपयांना खरेदी केली आहे. राधाकिशन दमानी यांची एकूण संपत्ती 13,568 कोटी रुपये आहे.
कुमार मंगलम बिर्ला हे मुंबईतील मलबार हिल येथील जाटिया हाऊसमध्ये राहतात. मिड-डेच्या रिपोर्टनुसार, कुमार मंगलम बिर्ला यांचे घर 2926 स्क्वेअर मीटरमध्ये पसरले आहे आणि त्याची किंमत 425 कोटी रुपये आहे.
टाटा सन्सचे प्रमुख रतन टाटा यांच्याकडे दक्षिण मुंबईतील कुलाबा येथे एक भव्य, आधुनिक बंगला आहे. मिड-डेच्या वृत्तानुसार, त्यांच्या या घराची किंमत 150 कोटी रुपये आहे.
ज्येष्ठ उद्योगपती सायरस पूनावाला यांच्या लिंकन हाऊसची किंमत 750 कोटी रुपये आहे. मूळतः वांकानेरचे महाराज, प.पू. सर अमरसिंहजी बनसिंघी (वांकानेर हाऊस) यांच्यासाठी बांधलेली 50,000 स्क्वेअर फूट भव्य वाडा 1993 मध्ये ब्रिटीश वास्तुविशारद क्लॉड बॅटली यांनी बांधला होता.
6 फोटो