1 जानेवारीपासून बदलणार हे 10 महत्त्वाचे नियम, तुमच्या जीवनावर होणार थेट परिणाम

1 जानेवारीपासून सामान्यांच्या जीवनावर परिणाम करणाऱ्या काही महत्त्वाच्या नियमात बदल (Rules changing from January 1) होणार आहेत. . चेक पेमेंटपासून फास्टॅग, UPI पेमेंट सिस्टम आणि GST रिटर्नच्या नियमात हे बदल होणार आहेत. तुम्हाला नुकसान टाळायचे असेल तर या नियमांबाबत सविस्तर माहिती असणं आवश्यक आहे.

1. चेकसाठी पॉझिटिव्ह पे सिस्टिम- रिझर्व्ह बँक ऑफ इंडियाने (Reserve Bank of India -RBI) 1 जानेवारी 2021 पासून चेकच्या माध्यमातून पॉझिटिव्ह पे सिस्टिम (Positive Pay system) सुरू करण्याचा निर्णय घेतला आहे. RBI ने हा निर्णय चेक पेमेंटमधील फ्रॉड रोखण्यासाठी घेतला आहे. हा नवीन नियम लागू झाल्यानंतर 50,000 आणि त्यापेक्षा अधिक रक्कम चेकच्या माध्यमातून पेमेंट करण्यासाठी पॉझिटिव्ह पे प्रणाली लागू होईल. यामध्ये चेक जारी करणाऱ्याच्या माहितीची दुसऱ्यांदा पुष्टी केली जाईल. चेक देणाऱ्याला चेक नंबर, चेक डेट, कुणाला पेमेंट केलं आहे त्याचा खाते क्रमांक, रक्कम इ. माहिती द्यावी लागेल.

2. कॉन्टॅक्टलेस कार्ड्स वापरून होणाऱ्या ट्रान्झॅक्शनची मर्यादा वाढवली- रिझर्व्ह बँक ऑफ इंडियाने (Reserve Bank of India -RBI) कॉन्टॅक्टलेस कार्ड्स वापरून होणाऱ्या ट्रान्झॅक्शनची मर्यादा (Contactless card transaction limit) वाढवली आहे. ही मर्यादा 2,000 रुपयांवरून वाढवून ​​5,000 करण्यात आली आहे. हा नियम 1 जानेवारी 2021 पासून लागू केला जाणार आहे.

3. कारच्या किंमती वाढतील-वाहन उत्पादक 2021 मध्ये नवीन किंमतीसह सुरुवात करण्याची तयारी करत आहेत. भारतातील सर्वात मोठी कार निर्माता कंपनी मारुती सुझुकी पुढील महिन्यापासून त्याच्या मॉडेल्सच्या किंमतीत वाढ करण्यास सुरवात करेल. मॉडेल्सप्रमाणे ही किंमत बदलेल. एमजी मोटरने जाहीर केले आहे की ते पुढील वर्षी भारतात किंमती वाढवणार आहेत. कंपनीचे म्हणणं आहे की, इनपुट खर्च वाढल्यामुळे किंमती 3% वाढतील. त्याचबरोबर रेनॉल्ट इंडियानेही पुढील वर्षी या कारच्या किंमतीत वाढ करण्याची घोषणा केली आहे.

4. सर्व चारचाकी वाहनांसाठी FasTag अनिवार्य- केंद्रीय रस्ते वाहतूक आणि महामार्ग मंत्रालयाने (Union Ministry of Road Transport and Highways) 1 जानेवारी 2021 पासून सर्व चारचाकी वाहनांसाठी फास्टॅग अनिवार्य करण्याची अधिसूचना जारी केली आहे. 1 डिसेंबर 2017 पूर्वी विकण्यात आलेल्या फोर-व्हील किंवा एम अँड एन श्रेणी वाहनांसाठी फास्टॅग (FASTag) अनिवार्य असेल. त्यासाठी केंद्रीय मोटर वाहन नियम, 1989 (Central Motor Vehicles Rules, 1989) मध्ये बदल करण्यात आले आहेत.

5. लँडलाइन वरुन मोबाइलवर कॉल करण्याआधी जोडावा लागेल शून्य- डिपार्टमेंट ऑफ टेलीकम्युनिकेशन्स (Department of Telecommunications - DoT) ने लँडलाइन वरुन मोबाइलवर कॉल करण्याआधी 0 (शून्य) जोडणे अनिवार्य केलं आहे. हा नियम 15 जानेवारी 2021 पासून लागू होईल. यासाठी टेलिकॉम डिपार्टमेंटने नवीन व्यवस्था लागू करण्यासाठी 1 जानेवारीपर्यंत सर्व कामं पूर्ण करण्यास सांगितले आहे.

6. Mutual Fund मधील गुंतवणुकीचे नियम बदलले- SEBI ने मल्टिकॅप म्युच्यूअल फंडसाठी अॅसेट अलॉकेशनच्या नियमात बदल केले आहेत. नवीन नियमांनुसार आता फंड्सचा 75 टक्के हिस्सा इक्विटीमध्ये गुंतवणे आवश्यक आहे. जो आता 65 टक्के आहे. सेबीच्या नवीन नियमांनुसार मल्टीकॅप फंड्सच्या स्ट्रक्चरमध्ये बदल होईल. फंड्सना मिडकॅप आणि स्मॉलकॅपमध्ये 25-25 टक्के गुंतवणूक करणं आवश्यक आहे. तर 25 टक्के लार्जकॅपमध्ये गुंतवावे लागतील.

7. UPI पेमेंटमध्ये बदल- 1 जानेवारी 2021 पासून UPI च्या माध्यमातून पेमेंट करणं महागणार आहे. थर्डपार्टीकडून चालवण्यात येणाऱ्या apps वर अतिरिक्त शुल्क आकारण्यात येणार आहे. नॅशनल पेमेंट कॉर्पोरेशन ऑफ इंडिया (NPCI) ने याबाबत निर्णय घेतला आहे.

8. तिमाही आधारावर GST रिटर्न फाइल करण्याची सुविधा- 1 जानेवारी 2021 पासून जवळापास 94 लाख छोट्आ व्यापाऱ्यांना (small businesses) तिमाही GST रिटर्न फाइल करण्याची सुविधा मिळेल. अर्थ मंत्रालयाच्या एका अधिकाऱ्याने दिलेल्या माहितीनुसार, ज्या व्यावसायिंकाचा टर्नओव्हर 5 कोची रुपयांपर्यंत आहे, त्यांना दर महिन्याला रिटर्न फाइल करण्याची आवश्यकता नाही. वर्षातून 4 वेळा त्यांना GST रिटर्न फाइल करावा लागेल.

9. सरल जीवन विमा पॉलिसी होईल लाँच- 1 जानेवारीपासून कमी प्रीमियममध्ये विमा खरेदी करता येईल. IRDAI ने सर्व विमा कंपन्यांना सरल जीवन विमा पॉलिसी लाँच करण्याचे आदेश दिले आहेत.

निवडक फोन्समध्ये बंद होईल WhatsApp- 1 जानेवारीपासून काही प्लॅटफॉर्मसवर WhatsApp सपोर्ट करणं बंद होणार आहे. WhatsApp पेज ने अशी माहिती दिली आहे की, व्हॉट्सॲपने (Whatsapp) जुन्या अँड्रॉइड स्मार्टफोन्स आणि आयओएसचा सपोर्ट बंद करण्यात येणार असल्याचे जाहीर केलं आहे. यामुळे जुन्या ऑपरेटिंग सिस्टीम असणाऱ्या अँड्रॉइड स्मार्टफोन आणि आयओएस फोन्समध्ये आता व्हॉट्सॲप (Whatsapp) सुविधा मिळणार नसल्याचं निश्चित झालं आहे. आता ios 9 आणि अँड्रॉइड 4.0.3 या ऑपरेटिंग सिस्टीम (Operating System) पासून सुरू होणाऱ्या OS वरच व्हॉट्सॲप (Whatsapp) चालू शकणार आहे.