Kranti Kanetkarतुम्ही पहिल्यांदा नोकरीला लागले असो किंवा नोकरी करून बरीच वर्ष झाली पण पैसा हातात टिकत नाही ही तक्रार बऱ्याच जणांची असते. पैसे कमवण्यापेक्षा पैसे वाचवणे महत्त्वाचे असतं. धावपळ आणि महागाईच्या या वातावरणात आपण पैसे कमवायला शिकतो, पण बचत कशी करायची हे समजत नाही.
आज आम्ही तुम्हाला असा फॉर्म्युला सांगणार आहोत जो तुम्ही आयुष्यभर लक्षात ठेवून वागलात तर तुम्हाला कधीच पैशांची कमतरता भासणार नाही. एवढंच नाही तर तुम्हाला छान आयुष्य जगता येईल आणि भविष्याचीही तरतूद करता येईल.
नेहमी पगार आल्यानंतर 15 दिवसात सगळा संपतो. त्यानंतर शेवटचे दिवस नेहमी आपले हाल होतात. याशिवाय भविष्यात आपल्याकडे काहीच उरत नाही. त्यासाठी सर्वात महत्त्वाचं आहे बजेट बसवणं. आपल्या आलेल्या पगाराचं नेहमी बजेट ठरलं पाहिजे. किती खर्च करायचे आणि किती बचत करायचे याचा ताळमेळ बसवता आला पाहिजे.
आर्थिक नियोजनाचा पाया ज्या नियमावर घातला जातो, त्याला ५०-३०-२० हे सूत्र म्हणतात. या सूत्रानुसार तुम्हाला तुमच्या कमाईचे 3 भाग करावे लागतील. पहिले ५० टक्के मूलभूत गरजांसाठी, ३० टक्के आपल्या इच्छा पूर्ण करण्यासाठी आणि २० टक्के बचत आणि गुंतवणुकीसाठी असतील. यामुळे तुमची प्रत्येक गरजही पूर्ण होईल आणि गुंतवणूक आणि बचतही सुरू राहील.
योग्य आर्थिक नियोजनाशिवाय कर्ज घेतलं तर जास्त कठीण होऊन जातं. कर्जामुळे गुंतवणुकीवरही परिणाम होतो. तज्ज्ञांच्या मते सुरुवातीला कर्ज घेऊ नका. जरी आपण ते घेतले असेल, तरी प्रथम ते काढून टाका. प्री-पेमेंट हा तो उतरवण्याचा योग्य मार्ग आहे. कार, महागडे मोबाइल, परदेशी सहली असे काही खर्च तरुणाईला सुरुवातीला करायला आवडतात, पण हे पाऊल त्यांच्यावर भारी पडते आणि सुरुवातीला महत्त्वाची वर्षे हे कर्ज फेडण्यासाठी बाहेर पडतात.
कर्ज घेणे चुकीचे नसून त्याचा योग्य ठिकाणी वापर केला पाहिजे. उदाहरणार्थ, जर तुम्ही पुढील शिक्षणासाठी कर्ज घेत असाल, ज्यामुळे तुम्हाला पुढील प्रगती मिळेल, तर नक्कीच कर्ज घ्या. अपघात जाला तर आयुष्य सावरणं कठीण होतं, रुग्णालयाची बिलं चुकवता चुकवता पूर्ण दमछाक होते विमा उतरवणं गरजेचं आहे. सर्वप्रथम स्वत:साठी आणि स्वत:साठी हेल्थ इन्शुरन्स खरेदी करा, त्यानंतर स्वत:साठी टर्म इन्शुरन्स घेणंही गरजेचं आहे. वेळेचा भरवसा नाही.
SIP आणि FD मध्ये गुंतवणूक करा. SIP ही लॉंगटर्म इंनव्हेस्टमेंट असेल तर FB तुम्हाला संकटकाळात उपयोगी पडेल.
6 फोटो