Onkar Dankeजालना जिल्ह्यातील राणी उंचेगाव या गावातील नासेर शेख हे शेतकरी पपई लागवडीतून लखपती झाले आहेत.
नासेर शेख यांना 15 एकर जमीन असून, पारंपरिक पिकाचे उत्पादन व त्यासाठी येणारा उत्पादन खर्च यांचा अनेक दिवस ताळमेळ बसत नव्हता.
त्यांनी फेब्रुवारी 2022 मध्ये दोन एकर जमिनीवर 8 बाय 6 अंतरावर 2 हजार पपई रोपाची लागवड केली.
पाणी व्यवस्थापन, अंतरमशागत, विविध प्रकारचे रोग पिके नियंत्रण, खत व्यवस्थापन, सूक्ष्म अन्नद्रव्ये व्यवस्थापन या सर्व बाबी नियोजनबद्ध पद्धतीने केल्या
एकूण शेती मशागतीसाठी त्यांना 1 लाख रुपये खर्च आला. लागवडीच्या केवळ 9 महिन्यांच्या कालावधीनंतर पपईची फळे तोडणीसाठी परिपक्व झाली.
नोव्हेंबरच्या शेवटच्या आठवड्यामध्ये व्यापाऱ्यांनी फळ खरेदी केली. 2 फेब्रुवारीपर्यंत 32 टन मालाची विक्री झाली आहे.
नासेर शेख यांच्या शेतात अद्याप 35 टनांपर्यंत माल असून तीन महिन्यांपर्यंत त्याची टप्प्याटप्याने विक्री होणार आहे
आतापर्यंत 4 लाख रुपयांचे उत्पन्न त्यांना मिळाले असून यापुढे 3 लाख रुपये उत्पादन होईल अशी त्यांची अपेक्षा आहे.
6 फोटो