या गोष्टी सांगतात तुम्ही प्रेमात आकंठ बुडाले आहात; तुमचं नातं कोणत्या वळणावर आहे?

प्रेमात पडलेल्यांना समोरची व्यक्ती आपल्या प्रेमात आहे का? असली तर प्रेम किती आहे? हे रिलेशन खरंच सिरयस असणार आहे का? असे अनेक प्रश्न पडतात. वेळीच या प्रश्नांची उत्तर मिळाली नाहीत तर, ते नातं गमवावंही लागतं.

Relationship Status जाणून घ्यायचं असेल तर, त्यासाठी स्वत:च काही निरीक्षणं नोंदवायला हवीत. त्यासाठी काही टप्पे ठरवायला लागतात.

ज्याच्यासोबत आयुष्य घालवण्याचा विचार करता त्याच्याबद्दल हा विचार नक्की करा. त्याने किंवा तिने सांगितलेल्या कोणत्याही कारणावर विश्वास ठेवताना मनात शंका तर येत नाही ना? त्याच्या डोळ्यात-डोळे घालून बोलताना आपण फसवलं जात आहोत, अशी भावना तर वाटतं नाही ना? याचा विचार करा.

आपल्या पार्टनरने सांगितलेल्या गोष्टीबद्दल इतरांनी मत व्यक्त केल्यावर काय विचार मनात येतात? हे पहा. जर कोणत्याही शंकेशिवाय जोडीदारावर विश्वास ठेऊ शकत असाल तर, समजा तुमचं नातं पक्क झालं आहे.

रिलेशनशिपच्या सुरुवातीच्या काळात तो किंवा ती बरोबर असताना शांतपणाही हवाहवासा वाट राहतो. काळाबरोबर जोडीदाराचं शांत राहणं समजायला लागलं असेल, त्याने किंवा तिने न बोलताही भावना कळत असतील तर, समजा तुमचं नातं घट्ट झालं आहे. त्याचा/तिचा प्रत्येक मूड तुम्हाला आता कळतो आहे.

नातं आता अशा वळणावर आहे की, एकमेकांशी कोणत्याही विषयावर बोलू शकता. न लपवता मनातलं सांगू शकता. तुमच्यातल्या कमतरता, असुरक्षिततेची भावना व्यक्त करताना अवघडलेपणा जाणवत नाही. उलट न पटलेल्या गोष्टीवरही ठामपणे, बेधडक मतं मांडू शकता.

त्याच्यासमोर किंवा तिच्यासमोर कोणत्याही कपड्यांमध्ये, कोणत्याही परिस्थितीत रहायला कंफर्टेबल वाटत असेल तर, तुमच्या दोघांमध्ये नात्यातला बिनधास्तपणा आलेला आहे, असं समजू शकता.

कोणत्याही कारणाशिवाय एकमेकांना मेसेज करत असाल. फक्त संवाद करण्यासाठी, काळजीने मेसेज करत असाल. तर, तुमचं नातं अशा पॉईंटवर पोहचलं आहे. जिथे तुम्ही एकमेकांमध्ये समरसून गेले आहात. (सूचना : येथे दिलेली माहिती सामान्य माहितीवर आधारित आहे. न्यूज 18 लोकमत त्याची हमी देत नाही. अधिक माहितीसाठी संबंधित तज्ज्ञांचा सल्ला घ्या.)