दुखणाऱ्या पायांमुळे रात्रीची झोप लागणंही झालं कठीण; वेदना संपवण्यासाठी करा सोपे उपाय

आजच्या धावपाळीच्या जीवन लोकांना स्वत: कडे पूर्ण लक्ष द्यायला वेळही मिळत नाही. दिवसभर दगदग करून जेव्हा आपण आपण अंथरूणात झोपायला जातो तेव्हा, आपले पाय दुखू लागतात. त्यामुळे झोपही येत नाही.

खरंतर, शरीरात काही पोषक नसल्यामुळे पाय दुखण्याचा त्रास होतो. या वेदना कमी करायच्या अलसतील तर, काही घरगुती उपयांचावापर करून पायांच्या वेदनापासून मुक्ती होऊ शकते.

पायांना होणारा त्रास कमी करण्यासाठी सैंधव मीठ मिसळलेलं पाणी खूप प्रभावी ठरू शकतं. सैंधव मीठ मिसळून ते पाणी पाय धुवण्यासाठी वापरण्याने पायांच्या स्नायूंमध्ये होणाऱ्या वेदना कमी होतात आणि पायांवरील सूज देखील कमी होऊ शकते.

यासाठी एका टबमध्ये कोमट पाणी घ्या आणि त्यात एक कप सैंधव मीठ घाला. एकत्र करा. किमान 20 मिनिटं या पाण्यात पाय बुडवा आराम पडेल.

पायदुखीत आराम मिळविण्यासाठी स्ट्रेचिंग एक्सरसाईजचा देखील फायदा होऊ शकतो. स्ट्रेचिंग एक्सरसाईज कण्यासाठी तज्ञांच्या सल्ल्याने व्यायाम करावा.

आपल्या पायातील वेदना कमी करण्यासाठी आपण आपल्या पायांची मॉलिश करू शकता. यामुळे वेदना कमी होईल आणि रक्ताभिसरण सुधारेल.

यासाठी आरामदायक खुर्चीवर बसा आणि आपल्या पायावर मॉलिश करा. फुट रोलर्सचाही वापर करु शकता. अनेक चांगल्या प्रतिचे तेल बाजारात मिळतात. त्यांच्या मॉलिशनेही आराम मिळतो.

पायांवर बर्फ लावल्याने वेदना आणि सूज कमी होते. यासाठी प्लास्टिकच्या पिशवीत बर्फ भरून किंवा बर्फ झालेल्या पाण्याची बाटली पाय फिरवा. पायात सूज येत असेल तर ती कमी करण्यासाठी दिवसातून बर्‍याच वेळा 5 ते 15 मिनिटं बर्फाने त्या भागावर बर्फाचा शेक द्या.

पायाच्या दुखण्यात फिश ऑईल वापरणं योग्य आहे. म्हणून आपल्या आहारात सीफूडचा समावेश करावा. यामुळे सूज,वेदना कमी करण्यास मदत होते.

नुकत्याच झालेल्या अभ्यासात असं दिसून आलं आहे की, जे रुग्ण नियमितपणे फिश ऑईल घेतात त्यांच्यात वेदना कमी होतात. काही रुग्णांना सांध्यांच्या वेदना आणि सूज कमी झाली. फिश ऑईल पाय दुखी बरी करण्यात मदत करतं आणि पाय अधिक लवचिक बनता.