गेल्या आठवड्यात पहिल्या पाचमध्येही नसलेला शो 'चला हवा येऊ द्या'नं आता पाचवं स्थान पटकावलंय. हे रेटिंग दिवाळीत दाखवलेल्या एपिसोड्सचं आहे. फराळाबरोबर प्रेक्षकांनी हसणंही पसंत केलेलं दिसतेय.
गेल्या आठवड्यात पाच नंबरवर असलेली 'स्वराज्यरक्षक संभाजी' मालिका आता चार नंबरवर आलीय. रायगडावर शिजणाऱ्या राजकारणानं बराच वेग घेतलाय. संभाजी महाराज आणि शिवाजी महाराज यांची भेट, त्यानंतरच्या घडामोडी यामुळे प्रेक्षकांना मालिका आवडू लागलीय.
बऱ्याच दिवसांनी पुन्हा एकदा 'तुझ्यात जीव रंगला' मालिकेनं तिसरं स्थान पटकावलंय. राणाची मॅटवरच्या कुस्तीची तयारी मालिकेत रंग भरतेय.सखी आणि अंजलीमधला तणावही प्रेक्षकांना आवडतोय.
'तुला पाहते रे'मध्ये सुबोध भावेला काशिनाथ सिनेमाच्या प्रमोशनसाठी वेळ द्यायचा होता. त्यामुळे त्यानं मालिकेतून सुट्टी घेतलेली. याचा परिणाम दोन आठवडे नंबर वनवर असलेली ही मालिका आता नंबर दोनवर आलीय. या आठवड्यात आता विक्रांत सरंजामे परतलाय. त्यानं काय फरक पडतो का ते कळेल.
टीआरपी रेटिंगचा चार्ट पुन्हा एकदा तेच चित्र दर्शवतोय. फक्त झी मराठीच्या मालिका पाच नंबरमध्ये आहेत. अगदी झी युवालाही काही स्थान मिळत नाहीय.
शनाया आणि राधिका मिळून सध्या गुरूला धडा शिकवतायत. महिला वर्गाला हे पाहायला आवडतंय असं दिसतंय. मालिका पाहणाऱ्या जास्त स्त्रियाच आहेत. त्यामुळे गेले दोन-तीन आठवडे नंबर दोनवर असलेली 'माझ्या नवऱ्याची बायको' आता नंबर वनवर आलीय.
6 फोटो