Mandar Guravउत्तरण या मालिकेतून घराघरात पोहोचलेली टीना दत्ता छोट्या पडद्यावरील एक प्रसिद्ध अभिनेत्री म्हणून ओळखली जाते.
मालिकांमध्ये सोज्वळ सुनेच्य रुपात झळकणारी टीना खऱ्या आयुष्यात मात्र तितकीच बोल्ड आहे. तिनं अलिकडेच स्वत:चे काही टॉपलेस फोटो देखील सोशल मीडियावर शेअर केले होते. या फोटोंमुळं तिला ट्रोलर्सचा सामना देखील करावा लागला होता.
आई-वडिलांनी तुला असेच संस्कार दिले आहेत का? असा सवाल करत काही नेटकऱ्यांनी तिची खिल्ली उडवली होती. आता या ट्रोलर्सला टीनानं देखील जोरदार प्रत्युत्तर दिलं आहे.
टीनानं फ्री प्रेसला दिलेल्या मुलाखतीत आपल्या करिअरवर भाष्य केलं. त्यावेळी तिनं फोटोंवरुन ट्रोल करणाऱ्यांना देखील सडेतोड प्रत्युत्तर दिलं.
ती म्हणाली, “इतर सेलिब्रिटींप्रमाणे मी दुर्लक्ष करणार नाही. अश्लील कमेंट्स करणाऱ्यांना मी चांगलाच धडा शिकवेन. त्यामुळं माझ्या पोस्टवर कमेंट्स करण्यापूर्वी 10 वेळा विचार करा. अन्यथा तुम्हाला तुमची चूक भारी पडू शकते.”
यापूर्वी देखील टीनाला ट्रोल करणाऱ्यांविरोधात तिनं सायबर पोलिसांकडे तक्रार केली होती. या तक्रारींतर काही ट्रोलर्सनं तिची माफी देखील मागितली होती. या माफीचे स्क्रीनशॉट्स तिनं सोशल मीडियावर पोस्ट केले होते.
6 फोटो