Aiman Desaiशाहरुख खान, दीपिका पादुकोण आणि जॉन अब्राहमचा 'पठाण' सिनेमा सध्या बॉक्स ऑफिसवर धुमाकूळ घालत आहे.
शाहरुख खानचा हा पडदयावर दमदार कमबॅक समजला जात आहे. खूप वर्षानंतर शाहरुखने हा ब्लॉकबस्टर सिनेमा दिला आहे.
या चित्रपटाच्या माध्यमातून शाहरुख खान तब्बल ४ वर्षानंतर पडद्यावर झळकला आहे. त्यामुळे त्याच्या चाहत्यांचा उत्साह पाहण्यासारखा आहे.
पठाण चित्रपटाने रिलीजपूर्वीच ऍडव्हान्स बुकिंगमध्ये अनेक रेकॉर्ड्स मोडत मोठी कमाई केली होती.
शाहरुख खानच्या पठाणने केजीएफ, बाहुबली, पुष्पा, आरआरआर या चित्रपटांच्या ओपनिंग डेचे रेकॉर्ड मोडीत काढले आहेत.
या चित्रपटाने अवघ्या पाच दिवसांत भारतात ३०० कोटींचा टप्पा पार केला आहे. तर जगभरात ६०० कोटींपेक्षा मोठा पल्ला गाठला आहे. देशात पठाणची एकूण कमाई ३२८. २५ इतकी झाली आहे.
या कमाईच्या मोठ्या आकड्यानंतर या सिनेमाचे तिकीट कमी करण्यात आले आहेत. अवघ्या पाच-सहा दिवसांतच तिकीटची किंमत कमी झाल्याने चाहते खुश आहेत.
परंतु तिकिटाचे दर कमी केल्यानंतरसुद्धा पठाणची कमाई मोठी झेप घेऊ शकते असा अंदाज वर्तवला जात आहे.
6 फोटो