हत्या की आत्महत्या? CBI पोहोचली सुशांतच्या घरी, मृत्यूनंतरचे ते तास करणार रिक्रिएट

बॉलिवूड अभिनेता सुशांत सिंह राजपूत (Sushant singh Rajput) प्रकरणाचा मोर्चा आता CBI ने सांभाळला आहे. सुशांतची आत्महत्या झाली की हत्या याचा शोध घेण्यासाठी सीबीआयच्या टीमने मुंबईतील अनेक लोकांशी बातचीत केली.

सीबीआयची टीम एक एक पैलूंचा अगदी तपशीलवार तपास करीत आहेत. संपूर्ण प्रकरण समजून घेण्यासाठी सीबीआयची टीम सुशांतच्या वांद्रे येथील घरी पोहोचली आहे.

येथे ते घटना रिक्रिएट करील पुराव्यांशी तपासून पाहतील. सुशांतच्या मृत्यूनंतर अनेकांनी व्हिडीओ करीत त्याने आत्महत्या केली नसल्याचा दावा केला होता. यामध्ये त्याची उंची आणि घराच्या उंचीशी ताळमेळ नसल्याचे अनेकांचे म्हणणे आहे. बेडपासून फॅनपर्यंतची उंची सुशांतच्या उंचीच्या जवळपास असल्याने तो आत्महत्या करू शकत नसल्याचा अनेकांचा दावा आहे.

सुशांतच्या मृत्यूच्यावेळी उपस्थित चारजणांसोबत सीबीआय पुन्हा क्राइम सीन रिक्रिएट करतील. सुशांत दार उघडत नसल्याने चारही जणांनी काय केलं आदी बाबी पुन्हा रिक्रिएट करण्यात येतील.

यावेळी सीबीआयच्या टीमसोबत सुशांतचा मित्र सिद्धार्थ पीठानीदेखील आहे.