Sayali Zaradबॉलिवूड इंडस्ट्रीतील दिग्गज चित्रपट निर्माते बोनी कपूर यांनी अनेक चित्रपट सुपरहिट बनवले आहे. पडद्यामागे काम करणाऱ्या बोनी कपूर यांचे वैयक्तिक आयुष्य नेहमीच चर्चेत राहिले आहे.
आज बोनी कपूर त्यांचा 67 वा वाढदिवस साजरा करत आहेत. आज त्यांच्या वाढदिवसानिमित्त जाणून घेऊया श्रीदेवी आणि बोनी कपूर यांची प्रेमकहाणी कशी सुरू झाली आणि पत्नी मोनासोबत निर्मात्याचे नाते कसे होते.
बोनी कपूर यांच्या पहिल्या पत्नीचे नाव मोना कपूर असून ती आता या जगात नाही. श्रीदेवीला पडद्यावर पाहिल्यानंतर बोनी कपूर पहिल्याच नजरेत तिच्या प्रेमात पडले. पण एक काळ असा होता जेव्हा मोना कपूरची श्रीदेवीशी घट्ट मैत्री होती. दोघांमध्ये इतकं प्रेम होतं की मोनाने श्रीदेवीला स्वतःच्या घरात राहण्यासाठी जागा दिली होती. त्या दिवसांत श्रीदेवी मिथुन चक्रवर्तीला डेट करत होती.
मिथुनला श्रीदेवी आणि बोनी कपूर यांच्यात काहीतरी सुरू असल्याचा संशय आला आणि अशा परिस्थितीत अभिनेत्रीने बोनीला राखी बांधायला सुरुवात केली. एका मुलाखतीदरम्यान मोना कपूरने याचा खुलासा केलेला.
बोनी कपूर यांना श्रीदेवीला 'मिस्टर इंडिया'मध्ये कास्ट करायचे होते. पण त्याच्यापर्यंत अभिनेत्रीपर्यंत पोहोचण्याचा कोणताही मार्ग नव्हता. अशा परिस्थितीत त्यांनी श्रीदेवीच्या आईशी संपर्क साधला. श्रीदेवीच्या आईने आणखी पैशांची मागणी केली, पण बोनीने होकार दिला. चित्रपटाच्या शूटिंगदरम्यान बोनीने श्रीदेवीला आपल्या मनाची गोष्ट सांगितली आणि हळूहळू दोघांची जवळीक वाढू लागली.
बोनी कपूर आणि श्रीदेवीच्या वाढत्या जवळीकबाबत मोनाला शंका नव्हती कारण श्रीदेवी बोनीला आपला भाऊ म्हणायची. पण जेव्हा बोनीने मोनाला त्यांच्या नात्याबद्दल सांगितले तेव्हा तिला धक्काच बसला.
बोनी कपूर यांनी एका मुलाखतीदरम्यान सांगितले होते की, श्रीदेवीला पडद्यावर पाहून ते तिला हृदय देत होते आणि तिचे मन जिंकण्यासाठी त्यांना 12 वर्षे लागली. तेव्हा बोनी कपूरचे प्रेम एकतर्फी होते. जेव्हा श्रीदेवी चांदनी चित्रपटाचे शूटिंग करत होती, तेव्हा बोनी तिला भेटण्यासाठी स्वित्झर्लंडला पोहोचले होते. तेथून परत आल्यानंतर बोनीने पत्नी मोनाला सांगितले की, त्यांचे श्रीदेवीवर प्रेम आहे. हे ऐकून मोनाला मोठा धक्काच बसला. त्यानंतर त्यांचं नातं तुटलं.
1996 मध्ये मोनापासून घटस्फोट घेतल्यानंतर बोनीने श्रीदेवीशी मंदिरात लग्न केले. त्यावेळी लोकांनी श्रीदेवीला 'हाऊस ब्रेकर' असा टॅग दिला होता. बोनी यांना मोना कपूरपासून अर्जुन कपूर आणि अंशुला दोन मुले आहेत. त्याचबरोबर श्रीदेवीला जान्हवी कपूर आणि खुशी कपूर या दोन मुली आहेत.
6 फोटो