...तर कोरोना निदानासाठी RT-PCR TEST करू नका; ICMR च्या नव्या गाइडलाइन्स

साधा सर्दी-खोकला-ताप आला तरी आपल्याला कोरोना तर झाला नाही ना, अशीच भीती अनेकांना वाटते. त्यामुळे लोक आपली आरटी-पीसीआर चाचणी करून घेतात.

पण सरसकट कोरोना चाचणी करण्याची गरज नाही, असं  इंडियन काऊन्सिल ऑफ  मेडिकल रिसर्चने ( Indian Council of Medical Research) सांगितलं आहे.

आयसीएमआरने आरटी-पीसीआर चाचणीबाबत नवीन मार्गदर्शक सूचना जारी केल्या आहेत. ज्यामध्ये कुणी ही टेस्ट करावी आणि कुणी करू नये, हे सांगितलं आहे.

जर अँटिजेन टेस्टचा रिपोर्ट पॉझिटिव्ह असेल तर आरटी-पीसीआर टेस्ट करण्याची गरज नाही.

आरटी-पीसीआर टेस्ट एकदा पॉझिटिव्ह आली तर पुन्हा करण्याची गरज नाही.

होम आयसोलेशनचे दहा दिवस पूर्ण झाले असतील आणि त्यातील शेवटचे तीन दिवस ताप नसेल तर आरटी-पीसीआर टेस्ट करू नये.

कोरोना रुग्ण बरा झाल्यानंतर डिस्चार्ज देताना पुन्हा आरटी-पीसीआर टेस्ट करण्याची गरज नाही.

आंतरराज्यीय प्रवास करणाऱ्या निरोगी व्यक्तीची आरटी-पीसीआर टेस्ट नको.

रॅपिड अँटिजेन टेस्टवर (Rapid Antigen Testing) भर देण्यास सांगितलं आहे. ज्यांच्यामध्ये कोरोनाची लक्षणं आहेत आणि त्यांची RAT टेस्ट निगेटिव्ह आली तर त्यांची RT-PCR टेस्ट करावी.